យោងតាមទិន្នន័យពីគេហទំព័រតាមដានការហោះហើរ FlightAware ក្រុមហ៊ុនអាកាសចរណ៍ធំទីពីររបស់កាណាដា WestJet បានលុបចោលជើងហោះហើរជាង 70% របស់ខ្លួនកាលពីថ្ងៃទី 30 ខែមិថុនា ដោយសារការធ្វើកូដកម្មរបស់បុគ្គលិកបច្ចេកទេសរបស់ខ្លួន។ ឧបទ្ទវហេតុនេះបានកើតឡើងនៅមុនថ្ងៃឈប់សម្រាក ប៉ះពាល់យ៉ាងធ្ងន់ធ្ងរដល់អ្នកដំណើរក្នុងនិងក្រៅប្រទេសរាប់ម៉ឺននាក់។

ជើងហោះហើរ WestJet ប្រហែល 700 ត្រូវបានលុបចោលចាប់តាំងពីថ្ងៃទី 27 ខែមិថុនា នៅពេលដែលក្រុមហ៊ុនអាកាសចរណ៍បានចាប់ផ្តើមព្យាករណ៍ថានឹងមានកូដកម្ម ដែលប៉ះពាល់ដល់អ្នកដំណើរក្នុងស្រុក និងអន្តរជាតិរាប់ម៉ឺននាក់នៅមុនថ្ងៃទិវាកាណាដា។ បុគ្គលិកបច្ចេកទេសប្រហែល 680 នាក់ រួមទាំងអ្នកទទួលបន្ទុកត្រួតពិនិត្យ និងអនុវត្តការជួសជុលចាំបាច់សម្រាប់ប្រតិបត្តិការប្រចាំថ្ងៃ បានអំពាវនាវឱ្យធ្វើកូដកម្មនៅល្ងាចថ្ងៃទី 28 ខែមិថុនា បន្ទាប់ពីខកខានមិនបានឈានដល់កិច្ចព្រមព្រៀងស្តីពីប្រាក់ឈ្នួល និងលក្ខខណ្ឌការងារជាមួយក្រុមហ៊ុនអាកាសចរណ៍ដែលមានមូលដ្ឋាននៅ Calgary ។ ក្រុមហ៊ុន WestJet ប៉ាន់ប្រមាណថា នៅល្ងាចថ្ងៃទី 30 ខែមិថុនា ក្រុមហ៊ុនអាកាសចរណ៍នឹងត្រូវកាត់បន្ថយចំនួនយន្តហោះដែលខ្លួនដំណើរការមកត្រឹម 30 យន្តហោះ បើប្រៀបធៀបទៅនឹងកម្រិតធម្មតានៃយន្តហោះ 200 គ្រឿង។
ការគំរាមកំហែងនៃកូដកម្មហាក់ដូចជាត្រូវបានបញ្ចៀសនៅថ្ងៃទី 27 ខែមិថុនា នៅពេលដែលរដ្ឋាភិបាលកាណាដាបានដឹកនាំជម្លោះនេះឱ្យដោះស្រាយតាមរយៈការផ្សះផ្សាដោយចងលើប្រាក់ឈ្នួល និងលក្ខខណ្ឌការងារ៕ ដោយធីរីណា

រូប​ថត​: TTXVN