ភ្នំពេញ៖ ក្រសួងបរិស្ថាន នៅព្រឹកថ្ងៃទី០៥ ខែកក្កដា ឆ្នាំ២០២៤នេះ បានឱ្យដឹងថា សាធារណជន បន្តរួមគ្នាកសាងវប្បធម៌ស្អាតជារៀងរាល់ថ្ងៃ ក្នុងយុទ្ធនាការកាត់បន្ថយការប្រើប្រាស់ប្លាស្ទិក និងយុទ្ធនាការ “កម្ពុជាស្អាត ខ្មែរធ្វើបាន” ដាក់ចេញដោយក្រសួងបរិស្ថាន។
ក្រសួងបរិស្ថាន បានឱ្យដឹងទៀតថា នៅថ្ងៃទី៣ ខែកក្កដា ឆ្នាំ២០២៤ថ្មីៗនេះ សិស្សានុសិស្ស លោកគ្រូ អ្នកគ្រូ មន្ត្រីរាជការ ប្រជាពលរដ្ឋ អាជីវករ បន្តចូលរួមក្នុងយុទ្ធនាការកាត់បន្ថយការប្រើប្រាស់ប្លាស្ទិក ចំនួន ៣៥,៨៣៧នាក់ បន្ថែមទៀតហើយ នេះបើតាមការឱ្យដឹងពីរបាយការណ៍កើនឡើងនៃចំនួនអ្នកចូលរួមក្នុងយុទ្ធនាការកាត់បន្ថយការប្រើប្រាស់ប្លាស្ទិក ក្រោមប្រធានបទ «ថ្ងៃនេះ ខ្ញុំមិនប្រើថង់ប្លាស្ទិកទេ» ដែលក្នុងនោះរួមមាន សាលារៀន ចំនួន ១២៣សាលា តាមរយៈការចូលរួមពីលោកគ្រូ អ្នកគ្រូ ចំនួន ១,២៦២នាក់ សិស្សានុសិស្ស ចំនួន ៣៣,៩១៨នាក់ មន្ត្រីរាជការ ចំនួន ៦៦នាក់ ប្រជាពលរដ្ឋ អាជីវករ ចំនួន ៥៩១នាក់ ក្នុងចំណោមរាជធានី-ខេត្ត ចំនួន ៨(ប្រាំបី) គឺ ខេត្តកណ្តាល ខេត្តកំពង់ស្ពឺ ខេត្តស្វាយរៀង ខេត្តត្បូងឃ្មុំ ខេត្តក្រចេះ ខេត្តកំពង់ធំ ខេត្តរតនគិរី និងខេត្តកំពត។
សូមជម្រាបថា យុទ្ធនាការ “កម្ពុជាស្អាត ខ្មែរធ្វើបាន” អនុវត្តបាននៅ មានដូចខាងក្រោម៖
+ខេត្ដបាត់ដំបង
-ភូមិរាំងកេសី ឃុំរាំងកេសី ស្រុកសង្កែ
-ភូមិព្រៃតូច ឃុំព្រៃតូច ស្រុកមោងឬស្សី
-ភូមិទួលតាឯក សង្កាត់ទួលតាឯក ក្រុងបាត់ដំបង
+ខេត្តកណ្តាល
-ក្រុងអរិយក្សត្រ
-ក្រុងសំពៅពូន
-ស្រុកស្អាង
-ស្រុកកោះធំ
+ខេត្តកំពង់ស្ពឺ
-ស្រុកថ្ពង
-ស្រុកគងពិសី
-ក្រុងច្បារមន
+ខេត្តស្វាយរៀង
-ឃុំសង្កែ ស្រុករំដួល
-ឃុំម៉ឺនជ័យ ស្រុករំដួល
+ខេត្តត្បូងឃ្មុំ
-ស្រុកអូររាំងឪ ឃុំចក
-ស្រុកពញ្ញាក្រែក (ឃុំកក់, ត្រពាំងផ្លុង, កោងកាង, កណ្ដោលជ្រុំ និងក្រែក)
-ស្រុកតំបែរ ឃុំព្រែកជរ
+ខេត្តកំពង់ធំ
-ស្រុកបារាយណ៍ ឃុំឈូកខ្សាច់
+ខេត្តក្រចេះ
-ស្រុកចិត្របុរី (ឃុំថ្មី, និងឃុំកន្ទួត)
-ស្រុកអូរគ្រៀងសែនជ័យ (ឃុំឃុអូរកណ្តៀរ និងឃុំស្រែជិះ)
-ស្រុកសំបូរ (ឃុំបឹងចារ, និងឃុំសំបូរ)
-ស្រុកឆ្លូង (ឃុំដំរីផុង,ហាន់ជ័យ, ខ្សាច់អណ្តែត និងឃុំកំពង់ដំរី )
-ស្រុកស្នួល (ឃុំក្រញូងសែនជ័យ, ស្នួល, ស្វាយជ្រះ, ឃ្សឹម និងឃុំស្រែចារ)
-ស្រុកព្រែកប្រសព្វ (ឃុំព្រែកប្រសព្វ, ឃុំជ្រោយបន្ទាយ និងឃុំកំពង់គរ)
+ខេត្តកំពត
– ភូមិកំពង់បាយខាងត្បូង ស្រុកកំពង់បាយ
– ភូមិសុវណ្ណសាគរ ភូមិ១ឧសភា ស្រុកកំពង់កណ្តាល
– ភូមិដំណាក់ឈ្នួល ស្រុកស្រែក្នុង
– ភូមិព្រៃឃ្ជាយ ស្រុកស្នាយអញ្ជិត
– ភូមិគីឡូ១២ ស្រុកកោះតូច៕ដោយ៖តារា
