ក្រុមមាន់គកបារាំងបានយកឈ្នះព័រទុយហ្គាល់ដោយបាល់ប៉េណាល់ទីដើម្បីឈានទៅវគ្គពាក់កណ្តាលផ្តាច់ព្រ័ត្រនៃ Euro 2024 បន្ទាប់ពីការប្រកួតដ៏តានតឹងក្នុងទីក្រុង Hamburg ក្រោយចប់លទ្ធផល០ទល់០ក្នុង៩០នាទី និងម៉ោងបន្ថែម។

កីឡាករ Theo Hernandez បានស៊ុតបាល់ប៉េណាល់ទីគ្រាប់ទី៥ចុងក្រោយឈ្នះ បន្ទាប់ពីកីឡាករបម្រុង Joao Felix បានស៊ុតបាល់ប៉េណាល់ទីមិនចូល ដោយការប្រឹងប្រែងរបស់គាត់ ដែលជាការខកខានតែមួយគត់។

កីឡាករបារាំងបានរត់ទៅជ្រុងម្ខាងនៃទីលានដើម្បីអបអរជាមួយអ្នកគាំទ្របន្ទាប់ពីនោះ ខណៈពេលដែលព័រទុយហ្គាល់ដែលបានយកឈ្នះស្លូវេនីដោយការស៊ុតបាល់ពិន័យប៉េណាល់ទី កាលពី៥ថ្ងៃមុននោះ មានអារម្មណ៍មិនសប្បាយចិត្ត ខណៈដែលពួកគេបានអបអរសាទរអ្នកគាំទ្ររបស់ពួកគេ។

នេះគឺជាការបញ្ចប់នៃយុគសម័យសម្រាប់ប្រធានក្រុមព័រទុយហ្គាល់ Cristiano Ronaldo ដែលបានបញ្ជាក់ក្នុងសប្តាហ៍នេះថា ព្រឹត្តិការណ៍នេះនឹងក្លាយជាយូរ៉ូចុងក្រោយរបស់គាត់ ប៉ុន្តែសម្រាប់ព្រឹត្តិការណ៍ World Cup 2026 រូបគាត់អាចនឹងមានឱកាសបង្ហាញខ្លួនក៏ថាបាន។

មុនពេលការប្រកួត គ្រប់គ្នាបានមើលការប៉ះគ្នារវាង Ronaldo វ័យ៣៩ឆ្នាំ និង Kylian Mbappe របស់បារាំង ប៉ុន្តែអ្នកទាំងពីរមិនបានទទួលឥទ្ធិពលនោះទេ ទោះបីជាខ្សែប្រយុទ្ធព័រទុយហ្គាល់រូបនេះមានឱកាសទាត់បាល់ទៅគោលដៅក្រុមបារាំងក៏ដោយ។

Mbappe ត្រូវប្តូរចេញក្នុងម៉ោងបន្ថែមបន្ទាប់ពីមានបញ្ហាច្រមុះរបស់គាត់ ដោយគ្របដោយរបាំងមុខ ដូច្នេះគាត់មិនអាចចូលរួមក្នុងការស៊ុតបាល់ប៉េណាល់ទីកាត់សេចក្តីនោះទេ។ វាជាការប្រកួតមួយដែលមានឱកាសតិចតួចណាស់ ថ្វីបើព័រទុយហ្គាល់មានជម្រើសល្អបំផុតក៏ដោយ។

ខ្សែបម្រើ Bruno Fernandes និង Vitinha មានឱកាសស៊ុតចំគោលដៅ ប៉ុន្តែត្រូវបានអ្នកចាំទី Mike Maignan សង្គ្រោះបាន មុនពេលដែល Randal Kolo Muani របស់បារាំងមានឱកាសស៊ុតប៉ះសំណាញ់របស់ព័រទុយហ្គាល់ផងដែរ។

លទ្ធផលនេះមានន័យថា បារាំងនឹងជួបជាមួយអេស្ប៉ាញក្នុងវគ្គពាក់កណ្តាលផ្តាច់ព្រ័ត្រនៅទីក្រុង Munich នៅរាត្រីថ្ងៃពុធ ទី១០ ខែកក្កដា វេលាម៉ោង២រំលងអធ្រាត្រ ៕ (រូបភាព ៖ EURO2024)