បណ្ដាញព័ត៌មានកូរ៉េខាងជើងបាន ផ្សាយថា មេដឹកនាំកូរ៉េខាងជើងលោក គីម ជុងអ៊ុន បានទៅត្រួតពិនិត្យការ ធ្វើសមយុទ្ធរបស់កម្លាំងទាហានអាកាស ដោយមានយុទ្ធសាស្ដ្រត្រៀមលក្ខណៈធ្វើសង្គ្រាមជាមួយអាមេរិក និងកូរ៉េខាង ត្បូង ។
លោកគីម ជុងអុន បានទៅដល់ អាកាសយានដ្ឋាន Kalma នៅទីក្រុង Wosan ស្ថិតនៅតាមបណ្ដោយឆ្នេរសមុទ្រ តាមយន្ដហោះពិសេសផ្ទាល់ខ្លួន Cham-mae-1 ដើម្បីត្រួតពិនិត្យការធ្វើសមយុទ្ធ នៅលើដែនអាកាស។ តាមសារព័ត៌មាន KCNA មិនបាន ផ្ដល់ព័ត៌មានលម្អិតជុំវិញការធ្វើសមយុទ្ធ ទាំងនោះឡើយ។ ទីក្រុងវ៉នសាន់ ត្រូវបាន ពលរដ្ឋកូរ៉េខាងជើងចាត់ទុកថា ជាស្រុក កំណើតទីពីររបស់លោកគីម ជុងអ៊ុន ។
ការធ្វើសមយុទ្ធលើកនេះគឺជាការ ប្រឡងប្រជែងរបស់កម្លាំងទាហានអាកាស ជាលើកទីពីរដែលបានរៀបចំរយៈពេល ជាង៧ទសវត្សកន្លងមកនៅប្រទេសកូរ៉េខាងជើង។ ការប្រឡងសមត្ថភាពកម្លាំង ទាហានអាកាសកូរ៉េខាងជើងត្រូវបានរៀប ចំឡើងក្នុងឱកាសខួបគម្រប់៦២ឆ្នាំថ្ងៃ ចុះហត្ថលេខាលើកិច្ចព្រមព្រៀងឈប់ បាញ់បញ្ចប់សង្គ្រាមនៅឧបទ្វីបកូរ៉េ ឆ្នាំ ២៩៥០-១០៥៣ ។
កូរ៉េខាងជើងចាត់ទុក ថ្ងៃចុះកិច្ចព្រមព្រៀងនោះគឺជាជ័យជំនះ នៅក្នុងសង្គ្រាមឧបទ្វីប ។ មេដឹកនាំកូរ៉េខាងជើងបានបញ្ជាក់ថា ការប្រឡងលើកនេះនឹងធ្វើឱ្យកម្លាំងទាហាន ជើងអាកាសបានបង្ហាញពីសមត្ថភាព របស់ខ្លួនដើម្បីត្រៀមខ្លួននៅក្នុងសង្គ្រាមជាទ្រង់ទ្រាយធំប្រឆាំងអាមេរិក និងកូរ៉េ ខាងត្បូង ។
មេទ័ពកូរ៉េខាងជើងលោក Ri Yong-Gil អគ្គមេបញ្ចាការកងទ័ពកូរ៉េ ខាងជើងបានឱ្យដឹងផងដែរថាឧបទ្វីបកូរ៉េកំពុងស្ថិតនៅក្នុងដំណាក់កាលនៃសង្គ្រាម ហើយប្រទេសជាសត្រូវអាចវាយប្រហារ គ្រប់ពេល ដូច្នេះទីក្រុងព្យុងយ៉ាងត្រូវតែ ត្រៀមលក្ខណៈទប់ទល់ឱ្យបានល្អបំផុត ។ លោកបន្ដទៀតថា អាមេរិកនិងកូរ៉េខាង ត្បូងកំពុងតែឡើងគម្រោងវាយប្រហារកូរ៉េខាងជើង ។
កន្លងមករដ្ឋមន្ដ្រីការបរទេសកូរ៉េខាង ជើងបានស្នើដល់អាមេរិកនិងកូរ៉េខាងត្បូង ឱ្យបញ្ឈប់ការធ្វើសមយុទ្ធរួមជាប្រចាំ ដើម្បីដោះដូរយកកិច្ចចរចា។ ទីក្រុងព្យុង យ៉ាងបានប្រកាសថា កិច្ចពិភាក្សាមិន ត្រូវបានធ្វើឡើងដោយសារតែគោនយោបាយចងគំនុំរបស់ទីក្រុងវ៉ាស៊ីនតោនទៅលើទីក្រុងព្យុងយ៉ាង។ កន្លងមកថ្មីៗអាមេរិកក៏បានអំពាវនាវ ដល់កូរ៉េខាងជើងឱ្យតម្រាបតាមប្រទេសអ៊ីរ៉ង់ដោយបោះបង់ចោលកម្មវិធីបរមាណូដោះដូរនិងការលុបទណ្ឌកម្មទាំងអស់។
ប៉ុន្ដែមេដឹកនាំកូរ៉េខាងជើងបានឆ្លើយតបវិញថា កូរ៉េខាងជើងមិនអាចបោះបង់ ចោលកម្មវិធីបរមាណូឡើយ ដោយកម្ម វិធីបរមាណូវាជាមានសារសំខាន់យ៉ាង ខ្លាំងនៅក្នុងការទប់ស្កាត់ការវាយប្រហារពីអាមេរិក។ បើកូរ៉េខាងជើងគ្មានបរមាណូ ទេនោះត្រូវគេវាយប្រហារជាយូណាស់ មកហើយ ៕ ម៉ែវ សាធី
