ភ្នំពេញ៖ នារី២នាក់ជិះម៉ូតូឌុបគ្នាមកពីផ្សារបំណងទៅបន្ទប់ជួលវិញតែអកុសលជួបគ្រោះថ្នាក់ចរាចរណ៍ចាប់ហ្វ្រាំងដួលទៅនិងថ្នល់ត្រូវរថយន្តមកពីក្រោយកិនស្លាប់ម្នាក់ចំណែកម្នាក់របួសស្រាល ភ្លាមនោះរថយន្តបង្កបានបេីកគេចខ្លួនបាត់។
ហេតុការណ៍នេះបានកេីតឡេីងកាលពីវេលាម៉ោង១១ព្រឹក ថ្ងៃទី១១ ខែកក្កដា ឆ្នាំ២០២៤ នៅលេីកំណាត់ផ្លូវឈ្នះ ឈ្នះ ភូមិជម្ពូវ័ន២ សង្កាត់ចោមចៅទី៣ ខណ្ឌពោធិ៍សែនជ័យ។
ជនរងគ្រោះដែលស្លាប់ឈ្មោះម៉ារ៉ាឌី ភេទស្រីអាយុ ២១ឆ្នាំ ចំណែកជនរងគ្រោះដែលស្លាប់ឈ្មោះ ថន ស៉ីថៃ ភេទស្រី អាយុ២១ឆ្នាំ អ្នកទាំងពីរជាកម្មការិនីរោងចក្រ ស្នាក់នៅបន្ទប់ជួល ភូមិត្រពាំងទា សង្កាត់ត្រពាំងក្រសាំង ខណ្ឌពោធិ៍សែនជ័យ មានស្រុកកំណេីតនៅ ឃុំនរាយ ស្រុកឈូក ខេត្តកំពត។
តាមប្រភពព័ត៌មានពីនារីរងគ្រោះដែលរងរបួសស្រាលបានឱ្យដឹងថា មុនពេលកេីតហេតុពួកគេជិះម៉ូតូមួយគ្រឿងម៉ាកBeat ពណ៌ស លាយក្រហម ពាក់ស្លាកលេខតាកែវ 1N 6431 មកពីផ្សារកំបូលដោយធ្វេីដំណេីរតាមបណ្តោយផ្លូវឈ្នះឈ្នះ ក្នយងទិសដៅពីត្បូងទៅជេីងបំណងទៅបន្ទប់ជួលវិញខណៈមកដល់ចំណុចកេីតហេតុក៏អកហ្សេីរទេីបចាប់ហ្វាំងមុខអូសដួលទៅនិងថ្នល់ភ្លាមនោះស្រាប់តែមានរថយន្តកូរ៉េមិនចាំស្លាកលេខមកពីក្រោយកិនម្នាក់បណ្តាលឱ្យស្លាប់ភ្លាមៗតែម្តង។ ភ្លាមនោះរថយន្តបង្កបានបេីកគេចខ្លួនបាត់។
ក្រោយកេីតហេតុសមត្ថកិច្ចមូលដ្ឋានបានចុះទៅដល់ចំណុចកេីតហេតុសម្រួលចរាចរណ៍និងទាក់ទងទៅជំនាញមកធ្វេីកំណត់ហេតុប្រគល់សពទៅក្រុមគ្រួសារយកទៅធ្វេីបុណ្យតាមប្រពៃណី ចំណែកម៉ូតូយកទៅរក្សាទុករងចាំស្រាវជ្រាវចាប់រថយន្តបង្កមកដោះស្រាយ៕ដោយ៖សុខាសែនជ័យ
