ភ្នំពេញ៖​ បុរសជនជាតិបរទេសម្នាក់ បានធ្លាក់ពីលេីអគារយីហោ” Penthouse Residence” មកដល់ជាន់ ផ្ទាល់ដីបណ្ដាលឱ្យ​បែកសាច់​ខ្ទេចខ្លួនប្រាណស្លាប់ភ្លាមៗនៅកន្លែងកេីតហេតុ​ ដោយមិនដឹងមូលហេតុ។

ហេតុការណ៍នេះដែរ បានបង្កឱ្យមានការភ្ញាក់ផ្អើលនៅ វេលាម៉ោង ២និង ៣០នាទីរំលងអធ្រាត្រឈានចូលថ្ងៃ ទី១៣ ខែកក្កដា ឆ្នាំ២០២៤ ចំណុចអគារយីហោ” Penthouse Residence” ស្ថិតតាមបណ្ដោយផ្លូវ សុធារស សង្កាត់ទន្លេបាសាក់ ខណ្ឌចំការមន រាជធានី ភ្នំពេញ។

បេីតាមការ​បញ្ជាក់ពី​នាយប៉ុស្តិ៍នគរបាលរដ្នបាលទន្លេបាសាក់លោក សាល សណ្ដុះ ប្រាប់អង្គភាពសារពត៌មាន នគរវត្ត នៅព្រឹកនៅថ្ងៃទី១៣​ ខែកក្កដា​នេះថា៖​ ជនរងគ្រោះជតិជនបរទេសខាងលើមិនទាន់អត្តសញ្ញាណនៅឡើយទេដោយពុំមានប៉ាស្ព័រតែសមត្ថកិច្ចកំពុង់ស្រាវជ្រាវ។

បេីតាមប្រភព ពី កន្លែង កើត ហេតុ បានឱ្យដឹង ថា មុន ពេល កេីតហេតុ គេមិន ថា បុរស ជន បរទេស មាន រឿង អ្វី នោះ ទេ ក៏ស្រាប់ តែ ធ្លាក់ ពី អគារ ជាន់ ទី ១៧ មក ដល់ ដី បណ្ដាលឱ្យបែក ក្បាល ស្លាប់ មួយ រំពេច តែ ម្តង ។ករណី នេះ ផងដែរ ភ្លាមៗ ខាង សន្តិសុខ ដែរ យាម នៅ ទីនោះ បានរាយការណ៍ ជូន កម្លាំង សមត្ថកិច្ច មូលដ្ឋាន ចុះ ទៅ ពិនិត្យ កន្លែង កើត ហេតុ និង បាន ហ៊ុំ ព័ទ្ធ ខ្សែ មិនឱ្យមាន អ្នក ចូល ទៅ បាន នោះ ទេ ។

ដោយឡែក​បេីតាមការ​លោក​វរសេនីយ៍ឯក​ យិន សាន អធិការនគរបាលរដ្នបាលខណ្ឌចំការមន ក៏បាន ប្រាប់អង្គភាពសារពត៌មាន នគរវត្ត នៅព្រឹកនេះដែរថា ពាក់ព័ន្ធ ករណី នេះ ផងដែរ សមត្ថកិច្ច មិន ទាន់ អាច បញ្ជាក់ថា ជនរងគ្រោះ លោត សម្លាប់ខ្លួន ឯង ឬ ពាក់ ពន្ធ័ ករណី ផ្សេងៗ នោះ ទេ ដោយ ប្រគល់ឱ្យកម្លាំង ជំនាញ កោសល្យ វិច័យ បច្ចេកទេស វិទ្យាសាស្ត្រ នៃ ស្នង ការ ដ្ឋាន នគរបាល រាជធានី ភ្នំពេញ កំពុង តែ ធ្វើការពិនិត្យ។

ជុំវិញករណីនេះដែរ​ លោកវរសេនីយ៍ឯក សំ វិច្ឆិកា អ្នកនាំពាក្យស្នងការ​នគរបាល​រាជធានីភ្នំពេញ បានប្រាប់អង្គភាពសារពត៌មាន នគរវត្ត នៅរសៀលនេះដែរថា ពាក់ព័ន្ធ ករណី នេះ ថ្នាក់មូលដ្នានគ្រាន់តែរឿងជនជាតិបរទេសធ្លាក់ ពី លើ អគារ ក៏មិនប្រាប់អ្នកសារពត៌មានដែរ។

គួរបញ្ជាក់ថា​ ទីតាំង​អគារយីហោ” Penthouse Residence”ខាងលើនេះធ្លាប់មានមនុស្សធ្លាក់ឬមួយក៏លោតជាច្រើនដងមកហើយក៏មិនដែរមានសមត្ថកិច្ចណានិងអាជ្ញាធរពាក់ព័ន្ធចុះទៅត្រួតពិនិត្យទីតាំងខាងលើនេះ៕ដោយ៖ ស រស្មី