ខេត្តកណ្ដាល៖ ជនសង្ស័យ២នាក់ បានវាយបុរសម្នាក់ដែលជាអ្នកយកសាច់ក្លែមមកអោយ ដល់កន្លែងស៊ីផឹក រួចបានឿស់ពាក្យសម្ដីគ្នា ក៏កើតមានហិង្សារតែម្ដង ទីបំផុតជនសង្ស័យទាំង០២នាក់ត្រូវបានសមត្ថកិច្ចចាប់ខ្លួន ។ករណីនេះ បានកើតឡើងនៅថ្ងៃទី២១ ខែកក្កដា ឆ្នាំ ២០២៤ វេលាម៉ោង ២០និង៣០នាទី ចំណុចភូមិឃុំអំពៅព្រៃ ស្រុកកណ្ដាលស្ទឹង ខេត្តកណ្ដាល។
មន្ត្រីនគរបាលស្រុកកណ្ដាលស្ទឹងបានឲ្យដឹងថា ជនរងគ្រោះឈ្មោះ ឈុំ ឆៃណា ភេទប្រុស អាយុ៣២ ឆ្នាំ បច្ចុប្បន្នរស់នៅភូមិតាដោលទី៣ ឃុំអំពៅព្រៃ ស្រុកកណ្ដាលស្ទឹង ខេត្តកណ្ដាល មុខរបរ កសិករ។ចំណែកជនសង្ស័យ ០២នាក់៖ ១.ឈ្មោះ លេខ សុខា ភេទ ប្រុស អាយុ៣៣ឆ្នាំ ជនជាតិខ្មែរ បច្ចុប្បន្នរស់នៅភូមិអំពៅព្រៃទី២ ឃុំអំពៅព្រៃ ស្រុកកណ្ដាលស្ទឹង ខេត្តកណ្ដាល ។មុខរបរ កម្មករសំណង់ (ឃាត់ខ្លួន)។ ២.ឈ្មោះ សាក់ វ៉ាន់ឌី ភេទ ប្រុស អាយុ ៣០ ឆ្នាំ ជនជាតិ ខ្មែរ បច្ចុប្បន្នរស់នៅភូមិអំ ពៅព្រៃទី២ ឃុំអំពៅព្រៃ ស្រុកកណ្ដាលស្ទឹង ខេត្តកណ្ដាល ។មុខរបរ កម្មករសំណង់(ឃាត់ខ្លួន)។
ប្រភពដដែលបន្តថា នៅថ្ងៃកើតហេតុ វេលាម៉ោង ២០និង១៥នាទី ជនរងគ្រោះបានជិះម៉ូតូតែម្នាក់ឯងចេញពីផ្ទះ ដេីម្បីយកស្រាបៀរទៅលក់បន្ថែម ពេលជនរងគ្រោះជិះម៉ូតូត្រឡប់មកផ្ទះវិញ បងស្រីរបស់ខ្លួនបានប្រេីអោយខ្លួនយកសាច់ក្លែមទៅអោយគេនៅជិតកន្លែងកេីតហេតុខាងលេី ពេលនោះជនរងគ្រោះបានជិះម៉ូតយកសាច់ក្លែមអោយគេនៅកន្លែងកេីតហេតុ ពេលទៅដល់ជនរងគ្រោះបានឃេីញមនុស្សកំពុងផឹកប្រហែល១០នាក់ ហេីយហុចសាច់អោយមនុស្សម្នាក់មិនស្គាល់ឈ្មោះ រួចគេទទួលហេីយដាក់លេីតុចំណែកជនរងគ្រោះនៅឈចាំគិតលុយ ពេលនោះជនសង្ស័យឈ្មោះ លេខ សុខា បានបេីកប្រអប់ឃេីញមានសត្វចាបហេីយក៏ហែកហូបអស់១ក្បាល ហេីយបានដេីរទៅសួរជនរងគ្រោះថាចាបនឹងអ្នកណាហៅមក ពេលនោះជនរងគ្រោះឆ្លើយថាខ្ញុំ អត់ដឹងទេបង បងស្រីខ្ញុំគាត់ប្រើអោយខ្ញុំយកមកអោយនៅកន្លែងនឹង ពេលនោះជនរងគ្រោះ និង ក្រុមជនសង្ស័យបានទាក់ពាក្យសំដីគ្នាហេីយជនសង្ស័យឈ្មោះ លេខ សុខា បានច្រានជនរងគ្រោះទៅក្រោយបណ្ដាលអោយដួលទៅនឹងដី ហេីយជនរងគ្រោះបានស្ទុះមករកវាយជនសង្ស័យវិញតែត្រូវក្រុមជនសង្ស័យប្រតាយប្រតប់គ្នាជាមួយជនរងគ្រោះនឹងបានដេញវាយបបណ្តាលឱ្យរបួសនិងបាត់ទូរស័ព្ទដៃមួយគ្រឿងម៉ាក់ទិចណូ ។ ហេីយជនរងគ្រោះបានត្រឡប់ទៅផ្ទះវិញ។ មួយសន្ទុះក្រោយមកជនជនរងគ្រោះបានអោយបងប្អូននាំខ្លួនមករកទូរស័ព្ទនៅកន្លែងកេីតហេតុ មកដល់ក្រុមជនរងគ្រោះបានទាក់ពាក្យសំដីគ្នាភ្លាមនោះជនសង្ស័យឈ្មោះ សាក់ វ៉ាន់ឌីបានវាយនឹងប្រតាយប្រតប់ជាមួយជនរងគ្រោះ ភ្លាមនោះកម្លាំងប៉ុស្តិ៍នគរបាលរដ្ឋបាលអំពៅព្រៃបានចុះទៅដល់កន្លែងកើតហេតុ ហើយជនរងគ្រោះនិងជនសង្ស័យបាននាំគ្នាបំបែកគ្នាទៅផ្ទះរៀងខ្លួន ។ លុះដល់ទី២២ ខែឆ្នាំដដែលជនរងគ្រោះបានទៅដាក់ពាក្យបណ្តឹងប៉ុស្តិ៍នគរបាលរដ្ឋបាលអំពៅព្រៃ ។
ក្រោយទទួលបានពត៌មានភ្លាមកម្លាំងប៉ុស្តិ៍នគរបាលរដ្ឋបាលអំពៅព្រៃ បានឃាត់ខ្លួនជនសង្ស័យទាំង០២នាក់ខាងលើ បញ្ជូនមកកាន់អធិការដ្ឋាននគរបាលស្រុកកណ្ដាលស្ទឹង ដេីម្បីកសាងសំណុំរឿងតាមនីតិវិធីច្បាប់៕ដោយ៖ ស្អាងជ័យ 
