ខេត្តបន្ទាយមានជ័យ៖ បុរសវ័យចំណាស់ម្នាក់រងរបួសធ្ងន់ក្នុងករណីដួលម៉ូតូកាលព្រឹកថ្ងៃទី២៤ ខែកក្កដា ឆ្នាំ២០២៤តាមបណ្ដោយផ្លូវ
ជាតិលេខ៥ឋិតក្នុងភូមិសុរិយាថ្មី ឃុំកូបស្រុកអូរជ្រៅ។
ជនរងគ្រោះមានឈ្មោះហឿន សុខាភេទប្រុសអាយុ៦៤ឆ្នាំ រស់នៅភូមិក្បាលកោះ សង្កាត់ប៉ោយប៉ែត។
សេចក្ដីរាយការពីរក្រុមគ្រូរពេទ្យស្រុកអូរជ្រៅបានប្រាប់ថា ជនរងគ្រោះជិះម៉ូតូម៉ាកហុងដាឌ្រីមពណ៌ខ្មៅស៊េរីឆ្នាំ២០១៥ពាក់ស្លាកលេខបាត់ដំបង1F.7663។
ក្រុមគ្រូពេទ្យបញ្ជាក់ថា ជនរងគ្រោះបានធ្វើដំណើរតាមផ្លូវជាតិលេខ៥មិនដឹងធ្វើដំណើរក្នុងទិសដៅទៅប៉ោយប៉ែត ឬទៅបន្ទាយមានជ័យនោះទេ ព្រោះថាសួរពលរដ្ឋនៅកន្លែងកើតហេតុមិនបានដឹងនោះទេ ដោយឃើញដេកដួលនៅកន្លែងកើតហេតុ។សភាពជនរងគ្រោះរងរបួសធ្ងន់ធ្ងរដោយដួលខ្លួនឯងត្រូវផ្នែកក្បាលខាងក្រោយ បន្ទាប់ពីទទួលព័ត៌មាន
បានក្រុមគ្រូពេទ្យរបស់លោកបានជួយដឹកសង្គ្រោះទៅមន្ទីរ
ពេទ្យកម្ពុជា ជប៉ុនស្រុកមង្គលបុរី ។ ក្នុងនោះជនរងគ្រោះមិនទាន់ឃើញសាច់ ញ្ញាតិមកជួយមើលថែរក្សាអ្នកជំងឺនៅឡើយ ក្នុងនាមលោកជា
ក្រុមគ្រួពេទ្យជួយសង្គ្រោះសូមអំពាវនាវដល់សាច់ញ្ញាតិបើបាត់សមាជិក ឬបានឃើញក្នុងរួមភាព
សូមមកជួយថែរក្សាជនរងគ្រោះផងព្រោះសភាពជនរងគ្រោះធ្ងន់ធ្ងរផ្នែកខាងក្រោយ។ដោយឡែកម៉ូតូជនរងគ្រោះត្រូវពលរដ្ឋយកមករក្សាទុកផ្ទះពលរដ្ឋទល់មុខកន្លែងកើតហេតុ ៕ វណ្ណា