ភ្នំពេញ៖ រថយន្តសេរីទំនើបALPHARDបេីកដោយបុរសជនជាតិចិនម្នាក់ ជ្រុលទៅបុកនិងក្បាលនាគថ្មពុះចែកទ្រូងផ្លូវបណ្ដាលឲ្យខ្ទាតអស់១កង់ ព្រមទាំងធ្វើឲ្យរថយន្តរងការខូចខាត ។
ហេតុការណ៍នេះដែរកេីតឡើងនៅវេលាម៉ោង១និង៥០នាទីរំលងអាធ្រាត្រឈានចូលថ្ងៃទី២៧ ខែកក្កដា ឆ្នាំ២០២៤ តាមបណ្ដោយផ្លូវសុធារស សង្កាត់ទន្លេបាសាក់ ខណ្ឌចំការមន ។
តាមប្រភពព័ត៌មានពីកន្លែងកើតហេតុបានឲ្យដឹងថាមុនពេលកើតហេតុគេបានឃើញបុរសជនជាតិចិនម្នាក់ទំនងជាស្រវឹង អត់បើករថយន្តស៊េរីទំនើបម៉ាTOYOTA ALPHARD ពណ៌ខ្មៅធ្ ពាក់ស្លាកលេខ ភ្នំពេញ 2AZ 0082 បេីកដំណើរតាមបណ្ដោយផ្លូវសុធារសក្នុងទិសដៅពីជើងទៅត្បូង លុះដល់ចំណុចកើតហេតុស្រាប់តែរថយន្តរេចង្កូតទៅបុកនឹងក្បាលនាគថ្មពុះចែកទ្រូងផ្លូវ បណ្តាលឲ្យខ្ទាតរលំអស់ចំនួនមួយកង់ ព្រមទាំងធ្វើឲ្យរថយន្តរងការខូចខាតផ្នែកខាងមុខបាក់កង់មុខខាងឆ្វេង ទៅមុខលែងរួច ក្នុងហេតុការណ៍នេះដែរមិនបង្កឲ្យមានគ្រោះថ្នាក់ដល់មនុស្សនោះទេ អ្នកបើកបរគឺបានចុះគេចខ្លួនទៅបាត់ ។
ក្រោយកើតហេតុនៅសល់តែរថយន្តត្រូវប្រគល់ឲ្យសមត្ថកិច្ចជំនាញចរាចរណ៍ស្ទូចយកទៅរក្សាទុករង់ចាំដោះស្រាយ ៕ដោយ៖សុខាសែនជ័យ
