ភ្នំពេញ៖ បើតាមរបាយការណ៍របស់ក្រសួងទេសចរណ៍ បានបង្ហាញថា ក្នុងឆមាសទី១ ក្នុងឆ្នាំ២០២៤នេះ បណ្ណដែលបានលក់ឱ្យភ្ញៀវទេសចរអន្តរជាតិចូលទស្សនាតំបន់រមណីយដ្ឋានអង្គរសរុប ៥២១ ៩៥០ សន្លឹក កើនឡើង ៣៥,៣% និងចំណូលសរុប ២៤ ៣៥៧ ៦៩៥ ដុល្លាអាមេរិកគត់ កើនឡើង ៣៦,២%។
របាយការណ៍ដដែល បានគូសបញ្ជាក់ថា កម្ពុជា ក្នុងឆមាសទី១ នៅឆ្នាំ២០២៤នេះ បានទទួលបានភ្ញៀវទេសចរអន្តរជាតិចំនួន ៣,១៦ លាននាក់ កើនឡើង ២២,៧% ធៀបរយៈពេលដូចគ្នាឆ្នាំ២០២៣ ស្មើនឹង ៩៤,៩% នៃឆ្នាំ២០១៩ និងទេសចរជាតិ : ៩,៦៩ លាននាក់ កើនឡើង ៦,៤%។
គួរជម្រាបជូនដែរថា ទីផ្សារទេសចរណ៍សំខាន់ទាំង១០របស់កម្ពុជា ក្នុងរយៈពេល៦ខែនេះរួមមាន៖ ថៃ ៩៥៥,២៥០ នាក់, វៀតណាម ៦៣៩,៥៤៩ នាក់, ចិន ៣៨៩,៣៦០ នាក់, ឡាវ ១៨៨,៧២៦ នាក់, សហរដ្ឋអាម៉េរិក ១១២,០៤៣ នាក់, កូរ៉េខាងត្បូង ១០១,៤៣៥ នាក់, ឥណ្ឌូណេស៊ី ៨១,៤៩០ នាក់, បារាំង ៦៥,៩៧៩ នាក់, អង់គ្លេស ៦១,៧៨៣ នាក់, និងជប៉ុន ៥៤,៨៤៩ នាក់៕ដោយ៖តារា
