ខេត្តព្រះសីហនុ ៖ បុរសម្នាក់ត្រូវបានបងប្អូនប្រជាពលរដ្ឋប្រទះឃើញនៅជាប់ក្នុងលូទឹក ក្នុងសភាពញ័រញាក់ មិនដឹងថាចូលតាមណានោះទេ ហើយសំណាងល្អមេឃមិនទាន់ធ្លាក់ភ្លៀង ។
ហេតុការណ៍នេះបង្កឱ្យការភ្ញាក់ផ្អើលឡើងកាលពីម៉ោង១១និង៣០នាទីព្រឹក ថ្ងៃទី០៩ ខែសីហា ឆ្នាំ២០២៤ នៅផ្លូវបំបែកទៅផ្សារលើ សង្កាត់លេខ៤ ក្រុងព្រះសីហនុ ខេត្តព្រះសីហនុ ។
ប្រភពព័ត៌មានពីប្រជាពលរដ្ឋបានឱ្យដឹងថា ចំណុចខាងលើ មានគម្របលូបិទជិតធម្មតា តែមានប្រហោង សម្រាប់ឱ្យទឹក ហូរចូល ហើយដឹងថាបុរសខាងលើ ចូលតាមណា ឬត្បុលមកពីណាដែរ បែរជាជាប់ទើរត្រង់ចំណុចខាងលើ ត្រូវបាន ប្រទះឃើញ បន្ទាប់ពីឮសូរសម្លេងថ្ងូរ អើតតាមរកមើល ស្រាប់តែប្រទះឃើញ រងារញ័រញាក់ ត្រូវបានបងប្អូនប្រជាពលរដ្ឋជួយគាស់បើកគម្របលូ ដើម្បីយកចេញ នេះសំណាងហើយឃើញទាន់ ហើយមេឃក៏មិនទាន់ធ្លាក់ ។
បន្ទាប់ពីកើតហេតុបុរសខាងលើត្រូវបានរថយន្តសង្គ្រោះ ដឹកយកទៅសង្គ្រោះនៅមន្ទីរពេទ្យបង្អែកចម្ការចេក ៕ជ្រោយពេជ្រ
