ខេត្តស្វាយរៀង៖  មានករណីគ្រោះថ្នាក់ចរាចរណ៍គួរឱ្យរន្ធត់ រវាងរថយន្តហាយឡេនឌ័របត់ឆ្វេងខ្វះការប្រុងប្រយ័ត្ន បុកម៉ូតូបញ្ច្រាសគ្នារបួសធ្ងន់ម្នាក់នៅ ក្រុងបាវិត។

យោងតាមសមត្ថកិច្ចនគរបាលក្រុងបានឱ្យដឹងថា ហេតុការណ៍នេះបានកើតឡើងនៅវេលាម៉ោង ៥និង៣៥នាទី ថ្ងៃទី២០ ខែ សីហា ឆ្នាំ ២០២៤ លើផ្លូវជាតិលេខ១ ចន្លោះគឺឡូម៉ែត្រ១៥៩-១៦០ ស្ថិតក្នុងភូមិតាពៅ សង្កាត់បាវិត ក្រុងបាវិត ខេត្តស្វាយរៀង ។

ប្រភពបន្តថា អ្នករងរបួសមានឈ្មោះ មឿង គឹម សេង ភេទប្រុស អាយុ២៤ឆ្នាំ រស់នៅភូមិត្រពាំងរុន ឃុំត្រពាំងរុន ស្រុកកំពង់ត្របែក ខេត្តព្រៃវែង បើកម៉ូតូម៉ាក HON DA C125ពណ៌ខ្មៅ ពាក់ស្លាកលេខ ភ្នំពេញ 1BL2322ខូចខាតយ៉ាងដំណំ។

ចំណែកអ្នកបើកបររថយន្តមានឈ្មោះ លី ថា  ភេទប្រុស អាយុ៤៨ឆ្នាំ ជនជាតិខ្មែ មុខរបរ កសិករ រស់នៅភូមិបឹង ឃុំបឹង ស្រុកបារាយណ៍ ខេត្តកំពង់ធំ។

ប្រភពដដែលបន្តថាមុន កើតហេតុ មានរថយន្ត១គ្រឿង ម៉ាកហាយឡែនឌឺ ពណ៌ទឹកប្រាក់ ពាក់ស្លាកលេខ ភ្នំពេញ 2V 6634  ដោយធ្វើដំណើរ ពីកើតទៅលិច លុះមកដល់កន្លែងកើតហេតុក៏បានបុកប៉ះនិងម៉ូតូ១គ្រឿងម៉ាក HON DA C125ពណ៌ខ្មៅ ពាក់ស្លាកលេខ ភ្នំពេញ 1BL2322 ដែលបញ្រ្ចាសទិសគ្នា
យ៉ាងពេញទំហឹង បណ្តាលឱ្យ រងរបួសធ្ងន់បាក់ជើងខាងឆ្វេងត្រូវបានដឹកមកសង្គ្រោះនៅមន្ទីរពេទ្យបង្អែកខេត្តស្វាយរៀង។

ចំណែកមធ្យោបាយ ធ្វើដំណើរទាំង២គ្រឿង ត្រូវបានសមត្ថកិច្ចវាស់វែងនិងអូស យកមករក្សាទុកនៅអធិការដ្ថាននគរបាលក្រុងបាវិត ដើម្បីចាត់ការបន្តតាមច្បាប់៕

ដោយ៖ សុថាន