មេដឹកនាំកូរ៉េខាងជើង លោក គីម ជុងអ៊ុន បានត្រួតពិនិត្យការសាកល្បងយន្តហោះគ្មានមនុស្សបើកជាច្រើនប្រភេទ ដោយអំពាវនាវឱ្យមានការអភិវឌ្ឍន៍បន្ថែមទៀតនៃអាវុធនេះ ដើម្បីពង្រឹងការត្រៀមខ្លួនប្រយុទ្ធ។

ទីភ្នាក់ងារសារព័ត៌មាន KCNA បានរាយការណ៍នៅថ្ងៃទី 26 ខែសីហាថា មេដឹកនាំកូរ៉េខាងជើង លោក គីម ជុងអ៊ុន បានត្រួតពិនិត្យការសាកល្បងយន្តហោះគ្មានមនុស្សបើកជាច្រើនប្រភេទ (UAVs) ដែលផលិតដោយប្រទេសនេះ។
ការសាកល្បងនេះត្រូវបានរៀបចំឡើងដោយវិទ្យាស្ថានយន្តហោះគ្មានមនុស្សបើកក្រោមបណ្ឌិត្យសភាវិទ្យាសាស្ត្រកូរ៉េខាងជើង។
នៅឯការសាកល្បង យន្តហោះ UAVs ត្រូវបានហោះហើរតាមបណ្តោយផ្លូវដែលបានកំណត់ទុកជាមុន និងបានបំផ្លាញគោលដៅដែលបានកំណត់យ៉ាងត្រឹមត្រូវ។
មេដឹកនាំកូរ៉េខាងជើងបានសង្កត់ធ្ងន់លើសារៈសំខាន់នៃការអភិវឌ្ឍន៍ UAVs ជាច្រើនប្រភេទ ក៏ដូចជាការកែលម្អសមត្ថភាពប្រយុទ្ធផងដែរ។
លោក Kim បានសង្កត់ធ្ងន់ថា “វាចាំបាច់ក្នុងការអភិវឌ្ឍ និងផលិត UAVs អត្តឃាតជាច្រើនប្រភេទ សម្រាប់ប្រើប្រាស់នៅក្នុងកងពលថ្មើរជើងយុទ្ធសាស្ត្រ និងអង្គភាពប្រតិបត្តិការពិសេស ក៏ដូចជាការឈ្លបយកការណ៍យុទ្ធសាស្ត្រពហុគោលបំណង និងវាយប្រហារ UAVs” ៕

រូប​ថត​: KCNA