Kevin De Bruyne ត្រូវបានបញ្ចូលក្នុងក្រុមរបស់បែលហ្ស៊ិកសម្រាប់ការប្រកួត Nations League នៅសប្តាហ៍ក្រោយ ប៉ុន្តែ Romelu Lukaku មិនមានឈ្មោះនោះទេ បន្ទាប់ពីសុំពេលសម្រាកដើម្បីផ្តោតអារម្មណ៍លើការលេងកាយសម្បទាបន្ទាប់ពីការផ្លាស់ទៅ Napoli។ នេះបើយោងតាមគ្រូបង្វឹកលោក Domenico Tedesco បានប្រកាសចុងសប្តាហ៍នេះ។
មានការរំពឹងទុកជាច្រើនអំពីអនាគតអន្តរជាតិរបស់កីឡាករ De Bruyne វ័យ៣៣ឆ្នាំ ដែលបានត្អូញត្អែរអំពីរដូវកាលដ៏ហត់នឿយជាមួយនឹងការប្តេជ្ញាចិត្តជាច្រើននៅខាងមុខសម្រាប់ក្លិបរបស់គាត់ទាំង Manchester City និងក្រុមបែលហ្ស៊ិក។ ប៉ុន្តែលោក Tedesco ខណៈពេលដែលលុបចោលការលេងទៀងទាត់ជាច្រើនដើម្បីបើកផ្លូវឲ្យកីឡាករវ័យក្មេងបាននិយាយថា De Bruyne មានសារៈសំខាន់ចំពោះផែនការរបស់គាត់ក្នុងការនាំយកក្មេងៗជំនាន់ក្រោយក្នុងអំឡុងពេលការប្រកួតចំនួន៦នៃ Nations League ពូល A2 រវាងខែកញ្ញាដល់ខែវិច្ឆិកា។
បែលហ្ស៊ិកនឹងចាប់ផ្តើមជាមួយអ៊ីស្រាអែលនៅថ្ងៃទី៦ ខែកញ្ញានៅក្នុងការប្រកួតដែលត្រូវបានផ្លាស់ប្តូរពីទីក្រុងប្រ៊ុចសែលទៅ Debrecen ក្នុងប្រទេសហុងគ្រីដោយសារតែការព្រួយបារម្ភអំពីសុវត្ថិភាព ហើយត្រូវជួបជាមួយបារាំងនៅទីក្រុង Lyon នៅ៣ថ្ងៃក្រោយមក។
ជាលទ្ធផល Yannick Carrasco, Leonardo Trossard និង Axel Witsel មិនមានឈ្មោះក្នុងក្រុមជម្រើសជាតិបែលហ្ស៊ិកនោះទេ បន្ទាប់ពីគ្រូបង្វឹកបានហៅពួកគេឱ្យពន្យល់ពីផែនការរបស់គាត់ ប៉ុន្តែគាត់បាននិយាយថា ពួកគេប្រហែលជានឹងត្រូវហៅម្តងទៀតនៅពេលអនាគត។
Lukaku ដែលការផ្ទេរពី Chelsea ទៅ Napoli ត្រូវបានបញ្ចប់កាលពីថ្ងៃព្រហស្បតិ៍ បានសុំពេលសម្រាកដើម្បីធ្វើការលើកាយសម្បទារបស់គាត់ ប៉ុន្តែត្រូវបានរំពឹងថានឹងត្រលប់មកវិញនៅឆ្នាំក្រោយ។ មានការកោះហៅជាលើកដំបូងសម្រាប់កីឡាករ Julien Duranville ដែលមានអាយុ១៨ឆ្នាំពី Borussia Dortmund ខណៈដែលខ្សែការពារកណ្តាល Jan Vertonghen បានចូលនិវត្តន៍ពីបាល់ទាត់អន្តរជាតិ ហើយអ្នកចាំទី Thibaut Courtois របស់ Real Madrid កំពុងបដិសេធក្នុងការលេងក្រោមការដឹកនាំរបស់លោក Tedesco។ ខាងក្រោមនេះគឺជាបញ្ជីឈ្មោះកីឡាករបែលហ្ស៊ិកសម្រាប់ត្រៀមប្រកួត National League៖
អ្នកចាំទី៖ Koen Casteels (Al Qadsiah), Thomas Kaminski (Luton Town), Matz Sels (Nottingham Forest)។
ខ្សែការពារ៖ Timothy Castagne (Fulham), Zeno Debast (Sporting Lisbon), Maxim De Cuyper (Club Brugge), Koni De Winter (Genoa), Wout Faes (Leicester City), Thomas Meunier (Lille), Arthur Theate (Eintracht Frankfurt)។
ខ្សែបម្រើ៖ Kevin De Bruyne (Manchester City), Julien Duranville (Borussia Dortmund), Arne Engels (FC Augsburg), Orel Mangala (Olympique Lyonnais), Amadou Onana (Aston Villa), Alexis Saelmaekers (AC Milan), Youri Tielemans (Aston Villa ), Arthur Vermeeren (RB Leipzig)។
ខ្សែប្រយុទ្ធ៖ Johan Bakayoko (PSV Eindhoven), Charles De Ketelaere (Atalanta), Jeremy Doku (Manchester City), Dodi Lukebakio (Sevilla), Lois Openda (RB Leipzig) ៕ (រូបភាព ៖ Reuters/CNA)
