ឆ្លើយតបនឹងសំណើចាប់ខ្លួនប្រធានាធិបតីរុស្ស៊ី លោក ពូទីន តាមបញ្ជារបស់តុលាការឧក្រិដ្ឋកម្មអន្តរជាតិ (ICC) អ្នកនាំពាក្យរដ្ឋាភិបាលម៉ុងហ្គោលី បាននិយាយថា ទីក្រុង Ulaanbaatar រក្សាគោលនយោបាយអព្យាក្រឹតភាព និងការពឹងផ្អែកលើថាមពលប្រទេសជិតខាង។

RT បានរាយការណ៍ថា សហភាពអឺរ៉ុប (EU) អ៊ុយក្រែន និង ICC ទាំងអស់បានអំពាវនាវឱ្យម៉ុងហ្គោលីចាប់ខ្លួនប្រធានាធិបតីរុស្ស៊ីពីបទ “និរទេសដោយបង្ខំ” លើកុមារអ៊ុយក្រែននៅឆ្នាំ 2023 ។ ទោះបីជាម៉ុងហ្គោលីជាសមាជិកនៃ ICC ក៏ដោយក៏ប្រទេសនេះមិនធ្វើនោះទេ។
អ្នកនាំពាក្យរដ្ឋាភិបាលម៉ុងហ្គោលីនៅថ្ងៃទី 3 ខែកញ្ញាបានឆ្លើយតបទៅនឹង សារព័ត៌មាន Politico តាមរយៈអុីមែលដូចខាងក្រោម៖
“ម៉ុងហ្គោលីនាំចូលផលិតផលប្រេង 95% និងច្រើនជាង 20% នៃថាមពលអគ្គិសនីពីតំបន់ជិតខាងរបស់យើង។ ការផ្គត់ផ្គង់នេះគឺមានសារៈសំខាន់ខ្លាំងណាស់ក្នុងការធានាការរស់រានមានជីវិតរបស់ប្រទេសយើង និងប្រជាជនម៉ុងហ្គោលី តែងតែរក្សាគោលនយោបាយអព្យាក្រឹតភាពក្នុងទំនាក់ទំនងការទូតទាំងអស់ ដូចមានចែងក្នុងសេចក្តីថ្លែងការណ៍របស់ពួកយើងរហូតមកដល់ពេលនេះ”។
ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានមកដល់ប្រទេសម៉ុងហ្គោលី តបតាមការអញ្ជើញរបស់សមភាគីលោក Ukhnaagiin Khurelsukh ហើយបានជួបជាមួយមន្ត្រីជាន់ខ្ពស់របស់ប្រទេសក្នុងទីក្រុង Ulaanbaatar ដើម្បីពិភាក្សាអំពីភាពជាដៃគូយុទ្ធសាស្ត្ររវាងប្រទេសទាំងពីរ។
ប្រធានាធិបតីរុស្ស៊ីក៏បានចូលរួមក្នុងខួបលើកទី 85 នៃសមរភូមិ Khalkhin Gol ដែលជាជ័យជម្នះយ៉ាងដាច់អហង្ការដោយកងកម្លាំងសូវៀត និងម៉ុងហ្គោលីលើកងទ័ពជប៉ុនដែលបានការពារផ្នែកខាងកើតនៃសហភាពសូវៀតសម្រាប់ភាគច្រើននៃសង្គ្រាមលោកលើកទីពីរ។
ក្នុងជំនួបនោះ លោកពូទីនបានអញ្ជើញសមភាគីម៉ុងហ្គោលីលោក Ukhnaagiin Khurelsukh ទៅចូលរួមកិច្ចប្រជុំកំពូល BRICS នៅទីក្រុង Kazan របស់រុស្ស៊ីនៅខែក្រោយ។ មេដឹកនាំម៉ុងហ្គោលី Khurelsukh បានទទួលយកការអញ្ជើញនោះ។
ម៉ុងហ្គោលីស្ថិតនៅចន្លោះរុស្ស៊ី និងចិន ហើយប្រទេសនេះរក្សាទំនាក់ទំនងល្អជាមួយទាំងទីក្រុងម៉ូស្គូ និងទីក្រុងប៉េកាំង។ Ulaanbaatar ក៏បានចុះហត្ថលេខាលើលក្ខន្តិកៈទីក្រុងរ៉ូម និងបានចូលរួមជាមួយ ICC ក្នុងឆ្នាំ 2002 ហើយចៅក្រមមួយរូបត្រូវបានតែងតាំងទៅ ICC នៅដើមឆ្នាំនេះ។ ខណៈពេលដែល ICC អាចថ្កោលទោសម៉ុងហ្គោលីជាផ្លូវការចំពោះការខកខានក្នុងការអនុវត្តការបញ្ជារបស់ខ្លួន៕ ដោយធីរីណា

រូបថត​: Vietnamnet