ការប្រកួតពានរង្វាន់ Nations League រវាងព័រទុយហ្គាល់ និងស្កុតឡេន ក្នុងទឹកដីប្រទេសព័រទុយហ្គាល់ បានធានាឱ្យក្រុមរបស់លោក Roberto Martinez បន្តទម្រង់លេងដ៏គួរឱ្យអស្ចារ្យ។ ក្រុមភ្ញៀវស្កុតឡេនបាននាំមុខដ៏គួរឱ្យភ្ញាក់ផ្អើលនៅនាទីទី៧ ដោយសារការតែតបាល់ពី Scott McTominay ប៉ុន្តែព័រទុយហ្គាល់បានវាយបកវិញនៅតង់ទី២យកឈ្នះក្នុងលទ្ធផល ២ទល់១ កាលពីរំលងអធ្រាត្រឈានចូលថ្ងៃទី៩ កញ្ញានេះ។

កំហុសរបស់ Angus Gunn បានអនុញ្ញាតឱ្យការវាយលុករយៈចម្ងាយឆ្ងាយរបស់ Bruno Fernandes ចូលទីបានសម្រេចនៅនាទីទី៥៤ ធ្វើឲ្យព័រទុយហ្គាល់តាមស្មើវិញ។ ខ្សែប្រយុទ្ធឆ្នើម Ronaldo បានរកគ្រាប់បាល់ជ័យជម្នះនៅនាទីទី៨៨ ពីការបញ្ជូនបាល់របស់ Nuno Mendes ដែលជាគ្រាប់បាល់អាជីពទី៩០១របស់គាត់។

លទ្ធផលនេះបន្ទាប់ពីចាញ់ប៉ូឡូញកាលពីថ្ងៃព្រហស្បតិ៍មានន័យថា ស្កុតឡែន ពេលនេះគ្មានការឈ្នះសោះក្នុងការប្រកួត៨ចុងក្រោយរបស់ពួកគេ ដែលជាការប្រកួតដ៏អាក្រក់បំផុតក្នុងប្រវត្តិសាស្ត្ររបស់ពួកគេ ហើយបានឈ្នះតែមួយប្រកួតក្នុងចំណោម១៤ប្រកួតចុងក្រោយ។

ទោះជាយ៉ាងណាក៏ដោយគ្រូបង្វឹកស្កុតឡេនលោក Clarke អាចទទួលយកការលើកទឹកចិត្តមួយចំនួនពីលក្ខណៈនៃការប្រកួតទាំង២នេះ បើទោះបីជាពួកគេស្ថិតនៅបាតតារាងបន្ទាប់ពីក្រូអាតយកឈ្នះប៉ូឡូញ ១-០។ បញ្ហាមួយទៀតសម្រាប់លោក Clarke គឺអារម្មណ៍ដែលមិនអាចជៀសរួចដែលពួកគេនឹងព្រមទទួលយកលទ្ធផលនេះ នោះគឺជាការរបូតគ្រាប់បាល់រហូតដល់៣៣គ្រាប់ក្នុង១៤ប្រកួត។

ឥឡូវនេះស្តុតឡេនគ្មានជ័យជំនះក្នុងការប្រកួតចំនួន៨ចុងក្រោយរបស់ពួកគេ ដែលជាការរត់បែបនេះយូរបំផុតក្នុងប្រវត្តិសាស្ត្ររបស់ពួកគេ។ ជាមួយនឹងការប្រកួតដ៏ស្វិតស្វាញចំនួន៤ដែលនឹងមកដល់ក្នុង Nations League នៃ Group ខាងលើព័រទុយហ្គាល់ត្រូវប៉ះក្រុមម្ចាស់ផ្ទះប៉ូឡូញ ខណៈក្រូអាតត្រូវធ្វើជាម្ចាស់ផ្ទះទទួលក្រុមស្កុតឡេននៅថ្ងៃទី១២ ខែតុលាខាងមុខ។

ក្រុមព័រទុយហ្គាល់ក្រោយឈ្នះ២ប្រកួតជាប់គ្នាកំពុងឈរលេខ១នៃ Group 1 ក្នុង League A សម្រាប់ការប្រកួត National League រដូវកាលនេះ។ ចំណែកខ្សែប្រយុទ្ធ Ronaldo វិញឥឡូវនេះគាត់បានស៊ុតបញ្ចូលទីទល់នឹង៤៨ប្រទេសផ្សេងៗគ្នា ហើយបាននាំមុខគេនៅលើកំពូលតារាងអ្នកស៊ុតបញ្ចូលទីអន្តរជាតិគ្រប់ពេលនៅក្នុងបាល់ទាត់ផ្នែកបុរស៕ (រូបភាព ៖ BBC Sport)