ភ្នំពេញ៖រថយន្តសេរីទំនើបtoyota alphard បេីកដោយបុរសជនជាតិចិនជ្រុលទៅបុុកនិងរថយន្តសេរីទំនើបបេីក ford everest បេីកដោយជនជាតិខ្មែរនៅផ្លូវបំបែកជាបួនបណ្តាលឲ្យរងការខូចខាតរថយន្តទាំងសងខាង។
ហេតុការណ៍នេះផងដែរបានកេីតឡេីងនៅវេលាម៉ោង៧យប់ ថ្ងៃទី១១ខែកញ្ញាឆ្នាំ២០២៤ ផ្លូវ៣៩២កែងផ្លូវ៧១ សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ ។
តាមប្រភពព័ត៌មាន ពីកន្លែងកើតហេតុ បានឲ្យដឹងថា មុនពេលកេីតហេតុ គេបានឃើញបុរសម្នាក់រួមដំណើរជាមួយនិងនារីម្នាក់ ជនជាតិខ្មែរបានបេីករថយន្តស៊េរីទំនើបម៉ាក ford everest ពណ៌ខ្មៅ ពាក់ស្លាកលេខ ភ្នំពេញ2CA 4228 បេីកធ្វើដំណើរតាមបណ្ដោយផ្លូវ៣៩២ទិសដៅពីកេីតទៅលិចលុះមកដល់ចំនុចកេីតហេតុដែលជាផ្លូវបំបែកជាបួន ក៍ស្រាប់តែមានបុុរសជនជាតិចិនម្នាក់បានបេីករថយន្តសេរីទំនើបម៉ាក toyota alpard ពណ៌សពាក់ស្លាកលេខ មណ្ឌលគិរី2B 3333 បេីកធ្វើដំណើរតាមបណ្ដោយផ្លូវលេខ៧១ទិសដៅពីត្បូងទៅជេីង ខ្វះការប្រុងប្រយ័ត្នខណៈមេឃកំពុងតែរលឹមស្រិចៗ ក៍ជ្រុលទៅបុុកនិងរថយន្តម៉ាក ford everest បណ្តាលឲ្យរងការខូចខាត កំពិតទ្វារមុខក្រោយចំហៀងខាងឆ្វេង ។
ដោយឡែកខាងរថយន្តtoyota alpard វិញរងការខូចខាតផែ្នកខាងមុខ តែក្នុងហេតុការណ៍នេះមិនបង្ករអោយគ្រោះថ្នាក់ដល់មនុស្សណាម្នាក់នោះទេ ។
ក្រោយពេលកេីតហេតុ ក៍មានតំណាងភាគីរថយន្ដទាំងសងខាងបានមកនិយាយសម្របសម្រួលគ្នាដោយខាងរថយន្ត toyota alphard សុខចិត្តយករថយន្ត ford everestទៅក្រុមហ៊ុនជួសជុលអោយវិញដេីម្បីបញ្ចប់រឿង ៕ដោយ៖សុខាសែនជ័យ
