ភ្នំពេញ ៖ នារីម្នាក់បានបេីករថយន្តស៊េរីទំនើបBMWក្នុងល្បឿនលឿន ហេីយជ្រុលទៅបុកម៉ូតូ០២គ្រឿងបណ្ដាលឲ្យមនុស្សម្នាក់រងរបួសធ្ងន់និង០២នាក់ទៀតរងរបួសស្រាល បង្កការភ្ញាក់ផ្អេីលដល់អ្នកដំណេីរកាលពីវេលាម៉ោង១និង២០នាទីរំលងអធ្រាត្រឈានចូលថ្ងៃទី១២ ខែកញ្ញា ឆ្នាំ២០២៤ នោចំនុចផ្លូវ២៨២ កែងផ្លូវ ៥៧ ក្នុងសង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ ។
បេីតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកេីតហេតុគេឃើញម៉ូតូចំនួន០២គ្រឿងរួមមាន ៖ ម៉ូតូម៉ាកហុងដាឌ្រីម ស៊េរីឆ្នាំ២០២៣ ពណ៌ខ្មៅ ពាក់ផ្លាកលេខ ភ្នំពេញ1KN-4626 ជិះគ្នា០២នាក់ ប្រុសម្នាក់និងស្រីម្នាក់ ។ ចំណែកម៉ូតូមួយគ្រឿងទៀតម៉ាកហុងដាស្គូពី ពណ៌សំបកឪឡឹក ពាក់ផ្លាកលេខ តាកែវ 1Z -7776 ជិះដោយបុរសម្នាក់ ដោយម៉ូតូទាំង០២គ្រឿងខាងលេីបានធ្វេីដំណេីរទន្ទឹមគ្នាតាមបណ្ដោយផ្លូវ៥៧ ក្នុងទិសដៅពីត្បូងទៅជេីង ។ ខណៈធ្វេីដំណេីរមកដល់ចំនុចកេីតហេតុដែលជាផ្លូវបំបែកជាបួនក៍ស្រាប់ តែនារីម្នាក់រួមដំណើរជាមួយនឹងបុរស៣នាក់បានបេីករថយន្តស៊េរីទំនើបម៉ាកBMW i8 ពណ៌ស ពាក់ផ្លាកលេខ កម្ពុជា LM.8878 បានធ្វើដំណើរតាមបណ្ដោយផ្លូវ២៨២ក្នុងទិសដៅពីកេីតទៅលិចក្នុងល្បឿនលឿនហើយមិនប្រុងប្រ
យ័ត្នក៏ជ្រុលទៅបុកម៉ូតូទាំង០២គ្រឿង យ៉ាងពេញទំហឹង បណ្តាលឱ្យម៉ូតូទាំង០២គ្រឿងខ្ទាតទៅចិញ្ចេីមផ្លូវរងការ ខូចខាត ព្រមទាំងធ្វើឱ្យនារីម្នាក់រងរបួសបាក់ជើងខាងស្តាំធ្ងន់ធ្ងរ ។ រីឯបុរស២នាក់ទៀតរងរបួសរលាត់ដៃជើងតិចតួច ខណៈ អ្នកទាំង៣ត្រូវបានដឹកតាមរថយន្តសាមុយយកទៅសង្គ្រោះនៅមន្ទីរពេទ្យកាល់ម៉ែត ។
ចំណែកភាគីខាងរថយន្តបង្កវិញក៏បានរងការខូចខាតខ្ទេចផែ្នកខាងមុខបែកកញ្ចក់ អ្នកបេីកបរជានារីត្រូវបានសមត្ថកិច្ចឃាត់ខ្លួនយកទៅសួរនាំនៅប៉ុស្តិ៍នគរបាលរដ្ឋបាលបឹងកេងកងទី១ រង់ចាំប្រគល់ឱ្យនគរបាលជំនាញចរាចរណ៍ចាត់ការបន្ត ។
ក្រោយកេីតហេតុ សមត្ថកិច្ចមូលដ្ឋាន បានសហការជាមួយជំនាញចរាចរណ៍ធ្វេីការវាស់វែងយករថយន្តបង្កនិងម៉ូតូរងគ្រោះទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំ ដំណោះស្រាយបន្តនៅពេលក្រោយ ៕ ដោយ ៖ ភារ៉ា ដង្កោ
