ភ្នំពេញ៖ បុរសម្នាក់ជិះម៉ូតូចុះពីស្ពានអាកាសចោមចៅលឿនមិនប្រយ័ត្នជ្រុលទៅបុកឡំប្រឺតាពីក្រោយពេញទំហឹងបណ្តាលឱ្យរងរបួសបាក់ជេីងម្ខាងត្រូវបានកងសង្គ្រោះបន្ទាន់៧១១កងពលតូចលេខ៧០ដឹកបញ្ជូនទៅមន្ទីរពេទ្យភ្លាមៗ។
ហេតុការណ៍នេះបានកេីតឡេីងកាលពីវេលាម៉ោង៩និង១០នាទីថ្ងៃទី១៦ ខែកញ្ញា ឆ្នាំ២០២៤ នៅតាមផ្លូវសហពន្ធ័រុស្ស៉ី ភូមិព្រៃជីសាក់ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
ជនរងគ្រោះមានឈ្មោះ រឹម គំនិត ភេទប្រុស អាយុ៤៨ឆ្នាំ រងរបួសបាក់ជើង មានទីលំនៅ នៅភូមិបន្ទាយមាស ឃុំបន្ទាយមាសខាងលិច ស្រុកបន្ទាយមាស ខេត្តកំពត។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញជនរងគ្រោះជិះម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខភ្នំពេញ1HO-7018 ធ្វេីដំណេីរចុះពីស្ពានអាកាសចោមចៅពីលិចទៅកេីតលឿនមិនប្រយ័ត្នក៏ជ្រុលបុកម៉ូតូកង់បីពីក្រោយពទញហឹងបណ្តាលឱ្យរងរបួសបាក់ជេីងម្ខាង ភ្លាមនោះកង់បីបានបន្តដំណេីរទៅមុខបាត់។
ក្រោយកេីតហេតុជនរងគ្រោះត្រូវបានក្រុមសង្រ្គោះរបស់អង្គភាព៧១១កងពលតូចលេខ៧០ ដឹកបញ្ជូនទៅមន្ទីរពេទ្យព្រះកុសុមៈ។ ចំណែកម៉ូតូត្រូវបានសមត្ថកិច្ចយកទៅរក្សាទុកនៅប៉ុស្តិ៍នគរបាលចោមចៅទី៣ងចាំបងប្អូនមកទទួលយកទៅវិញ៕ដោយ៖សុខាសែនជ័យ
