ភ្នំពេញៈ រថយន្តស៊េរីទំនេីបមួយគ្រឿងខណៈបេីកសុខៗបំណងឆ្លងផ្លូវស្រាប់តែមានរថយន្តធន់ធំដឹកទំនិញ១គ្រឿងបើកបុកគូទបណ្តាលឱ្យវិលមួយជុំហេីយបន្តទៅបុករថយន្ត១គ្រឿងទៀតរងការខូចខាតនិងធ្វេីឱ្យបុរសម្នាក់រងរបួសធ្ងន់ត្រូវបានដឹកទៅសង្រ្គោះនៅមន្ទីពេទ្យ។ចំណែករថយន្ត១គ្រឿងទៀតបើកចេញទៅបាត់នៅសល់តែរថយន្ត២គ្រឿនៅនិងកន្លែងកើតហេតុរងការខូចខាតយ៉ាងដំណំ។
ហេតុការណ៍គ្រោះថ្នាក់ចរាចរណ៍នោះបានកើតឡើងកាលពីវេលាម៉ោង ១២ និង ៤០ នាទីរសៀលថ្ងៃទី ១៧ ខែកញ្ញាឆ្នាំ២០២៤ស្ថិតតាមបណ្តោយផ្លូវមហាវិថីឈ្នះឈ្នះ ត្រង់ចំណុចមុខវត្តពូនភ្នំ ភូមិភ្លូផ្អែក សង្កាត់គោករការ ខណ្ឌព្រែកព្នៅ រាជធានីភ្នំពេញ។
បើតាមប្រភពព័ត៌មាននៅកន្លែងកើតហេតុបានឱ្យដឹងថា នៅមុនពេលកើតហេតុគេបានឃើញរថយន្តស៊េរីទំនើប១គ្រឿងម៉ាកCHEVROLETពណ៍ខ្មៅពាក់ស្លាកលេខភ្នំពេញ2AF-7289 ធ្វើដំណើរតាមបណ្តោយផ្លូវមហាវិថីឈ្នះឈ្នះក្នុងទិសដៅពីត្បូងទៅជើង លុះទៅដល់ត្រង់ចំណុចខាងលើបានស៊ីញ៉ូបត់ឆ្វេងស្របពេលនោះស្រាប់តែមានរថយន្តម៉ាកហ៊ីយ៉ាន់ដាយសណ្តោងកន្ទុយប្រភេទដឹកទំនិញពណ៍ទឹកប្រាក់លាយខៀវពាក់ស្លាកលេខត្បងឃ្មុំ3A-2160ធ្វើដំណើរមកពីក្រោយស្របទិសដៅក្នុងល្បឿនយ៉ាងលឿនក៏បានជ្រុលចង្កូតទៅបុកគូទពីក្រោយបណ្តាលឱ្យវិលមួយជុំទៅបុករថយន្ត១គ្រឿងទៀតមិនចាំម៉ាកកំពុងធ្វើដំណើរបញ្រ្ចាស់ទិសដៅគ្នាបណ្តាលឱ្យបុរសម្នាក់រងរបួសធ្ងន់ត្រូវបានដឹកទៅសង្រ្គោះនៅមន្ទីពេទ្យ។ចំណែករថយន្ត១គ្រឿងទៀតបើកចេញទៅបាត់នៅសល់តែរថយន្ត២គ្រឿនៅនិងកន្លែងកើតហេតុរងការខូចខាតយ៉ាងដំណំ។
ក្រោយពេលកេីតហេតុ រថយន្តទាំងពីរគ្រឿងត្រូវបានសមត្ថកិច្ចធ្វេីការវាស់វែងនិងស្ទូចយកទៅរក្សាទុករង់ចាំការដោះស្រាយនៅពេលក្រោយ ៕ ដោយ៖សុខាសែនជ័យ
