ភ្នំពេញ៖ ក្រសួងសាធារណការ និងដឹកជញ្ជូន នៅរសៀលថ្ងៃទី២៣ ខែកញ្ញា ឆ្នាំ២០២៤នេះ បានឱ្យដឹងថា កាលពីវេលាម៉ោង១២ថ្ងៃត្រង់ ថ្ងៃទី២៣ ខែកញ្ញានេះ មានករណីបាក់ស្រុតផ្លូវអមសងខាងប្រឡាយស្ទឹងមានជ័យ ប្រវែង ១៤៦ម៉ែត្រ ទទឹង ៥ម៉ែត្រ បណ្តាលមកពីទឹកហូរច្រោះដីខាងក្រោមតួផ្លូវ ធ្វើអោយដីទន់ជ្រាយរអិលបាក់ជ្រាលតួផ្លូវ។
សូមជម្រាបជូនថា ករណីបាក់ស្រុតផ្លូវបេតុង មួយខ្សែនេះ គឺស្ថិតនៅក្នុងសង្កាត់ស្ទឹងមានជ័យទី០២ ខណ្ឌមានជ័យ រាជធានីភ្នំពេញ។
ក្រសួងសាធារណការ បានបញ្ជាក់ថា បច្ចុប្បន្ន កម្លាំងជំនាញសហការជាមួយអាជ្ញាធរ ធ្វើការដាក់បារាស តម្លើងស្លាកចរចារបិទកំណាត់នេះ ដើម្បីគ្រឿងចក្រចុះជួសជុលបឋមជាបណ្តោះអាសន្ន ។ សូមបងប្អូនមេត្តាពង្វាងចរាចរជាបណ្តោះអាសន្ន ដោយសេចក្តីអនុគ្រោះ៕ដោយ៖តារា
...
