ភ្នំពេញ ៖ បុរសម្នាក់បានធ្វេីអត្តឃាត ដោយចងកសម្លាប់ខ្លួនឯងនៅលេីផ្ទះ បង្កការភ្ញាក់ផ្អេីលដល់សាច់ញាតិក្រុមគ្រួសារ នាវេលាម៉ោង១១:៣០នាទី ថ្ងៃទី២៣ ខែកញ្ញា ឆ្នាំ២០២៤ ត្រង់ចំណុចផ្ទះគ្មានលេខ ផ្លូវបេតុង ស្ថិតក្នុងភូមិខ្វិត សង្កាត់សាក់សំពៅ ខណ្ឌដង្កោ រាជធានីភ្នំពេញ ។
សមត្ថកិច្ចបានឲ្យដឹងថា សពជនរងគ្រោះ ឈ្មោះ ខែម ឈុន ភេទប្រុស អាយុ៣៩ ឆ្នាំ មុខរបរ ជាងដែក ទីលំនៅភូមិខ្វិត សង្កាត់សាក់សំពៅ ខណ្ឌដង្កោ ភ្នំពេញ ។
យោងតាមការបំភ្លឺរបស់ឈ្មោះ ឈ្មោះ កែវ សៀងវ៉េង ភេទប្រុស អាយុ៣៩ឆ្នាំ ជាងដែក ត្រូវជាបងប្អូនជីដូនមួយ របស់(សព) ទីលំនៅភូមិខ្វិត សង្កាត់សាក់សំពៅ ខណ្ឌដង្កោ បានឲ្យដឹងថា នៅម៉ោង១០:៣០នាទី រូបគេបានចេញពីផ្ទះខ្លួនដេីម្បីទៅ ផ្ទះឈ្មោះ ខែម ឈុន (សព) ពេលទៅដល់ផ្ទះឃេីញទ្វាចាក់សោ ខាងក្នុង ហៅក៏មិនឆ្លេីយ រួចរូបគេក៏ឡេីងមេីលតាមបង្អួត ឃេីញឈ្មោះ ខែម ឈុន (សព) ចងក៏បាត់ស្លាប់ទៅហេីយ រួចក៏រាយការណ៍ប្រាក់សមត្ថកិច្ចប៉ុស្តិ៍រដ្ឋបាលសង្កាត់សាក់សំពៅតែម្តង ។
តាមការសនិ្នដ្ឋាន និងតាមការពិនិត្យកន្លែងកើតហេតុ ពត៌មានប្រមូលបាន ពីក្រុមគ្រួសារ កន្លងមកជនរងគ្រោះធ្លាប់ប្រាប់ថាជួបបញ្ហាជំពាក់លុយធនាគា រ និងធ្លាប់មានប្រពន្ធចំនួន០២នាក់ (ប្រពន្ធទី១ មានកូនជាមួយគ្នាបាន០២នាក់ និងប្រពន្ធទី០២ មានកូនជាមួយគ្នា០១នាក់ ហេីយប៉ុន្មានខែចុងក្រោយនេះ រកទៅដណ្ដឹងប្រពន្ធមួយទៀត តែខាងស្រីមិនព្រម )។
សមត្ថកិច្ចបានសន្និដ្ឋានថា ឈ្មោះ ខែម ឈុន(សព) បានស្លាប់ដោយសារ(ធ្វេីអត្តឃាតចងកសម្លាប់ខ្លួនឯង) ពិតប្រាកដមែន ។ បន្ទាប់មក សមត្ថកិច្ចក៏ធ្វេីកំណត់ហេតុ ប្រគល់សាកសពឲ្យទៅក្រុមគ្រួសារចាត់ចែងធ្វេីបុណ្យតាមប្រពៃណី ៕ ដោយ ៖ ភារ៉ា ដង្កោ
