ខេត្តកំពង់ធំ ៖ ក្មេងស្រីម្នាក់បាត់ខ្លួន២ថ្ងៃប្រទះឃើញលង់ទឹកស្រះស្លាប់ កាលពីវេលាម៉ោង៦និង៣០នាទីព្រឹក ថ្ងៃទី០៥ ខែសីហា ឆ្នាំ២០១៦ នៅចំណុចភូមិត្បែង ឃុំត្បែង ស្រុកកំពង់ស្វាយ ខេត្តកំពង់ធំ។
តាមប្រភពពត័មានពីសមត្ថកិច្ចបានឲ្យដឹងថា ជនរងគ្រោះបានបាត់ខ្លួនកាលពីថ្ងៃទី០៣ ខែសីហា ឆ្នាំ២០១៦ នៅវេលាម៉ោង៥ល្ងាច នៅពេលដែលមានភ្លៀងធ្លាក់ខ្លាំង។ ក្មេងស្រីរងគ្រោះមានឈ្មោះ ណាត សៀងលី អាយុ១២ឆ្នាំ រស់នៅភូមិឃុំ កើតហេតុខាងលើ មូលហេតុដែលបណ្តាលឲ្យក្មេងស្រីរងគ្រោះស្លាប់បាត់បង់ជីវិតគឺដោយសារមុនកើតហេតុជនរងគ្រោះបានរត់លេងទឹកភ្លៀង ហើយរអិលជើងធ្លាក់ស្រះស្លាប់ដោយគ្មានអ្នកណាបានដឹងនោះទេ។
ក្រោយពីសមត្ថកិច្ចបានធ្វើកុសលវិច្ច័យរួចបានពិនិត្យឃើញថា គ្មានចំនុចផ្សេងគួរឲ្យសង្ស័យលើឃាតកម្មនោះទេទើបសន្និដ្ឋានថា ក្មេងនេះពិតជាបានលង់ទឹកស្លាប់ពិតមែន ទើបបានប្រគល់សាកសពជូនក្រុមគ្រួសារយកទៅធ្វើបុណ្យតាមប្រពៃណី៕
ដោយ៖ ប៊ុន រិទ្ធី
