ភ្នំពេញៈ បុរសជនជាតិចិនម្នាក់បេីករថយន្តLEXUS RX 300ដោយមានបុរសជនធាតិចិន២នាក់ទៀតរួមដំណើរជាមួយបានបើករថយន្តបត់ឆ្លងផ្លូវខ្វះការប្រុងប្រយ័ត្នជ្រុលទៅបុកម៉ូតូ PCX ដែលជិះដោយបុរស២នាក់បណ្តាលឱ្យរងរបួសធ្ងន់ ។
ហេតុការណ៍នេះបានកេីតឡើងនៅវេលាម៉ោង១០និង២៤នាទីយប់ ថ្ងៃទី២៩ខែកញ្ញាឆ្នាំ២០២៤ នៅចំនុចផ្លូវលេខ២៧១កែងផ្លូវលេខ១៨៣ សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ ។
តាមប្រភពព័ត៌មានពីកន្លែងកើតហេតុ បានអោយដឹងថា មុនពេលកេីតហេតុ គេបានឃើញបុរស២នាក់ជនជាតិខ្មែរបានជិះម៉ូតូម៉ាក HONDA PCX ពណ៌ស ពាក់ស្លាកលេខ ភ្នំពេញ 1HB 1103 ធ្វើដំណើរតាមបណ្ដោយផ្លូវ២៧១ក្នុងទិសដៅពីត្បូងទៅជេីង លុះមកដល់ចំណុចកេីតហេតុក៏ស្រាប់តែឃើញបុរសជនជាតិចិន២នាក់រួមទាំងអ្នកបេីកបរបានបេីករថយន្តម៉ាក LEXUS RX 300 ពណ៌ស ពាក់ស្លាកលេខ ភ្នំពេញ 2N- 2785 បានបេីកតាមបណ្តោយផ្លូវលេខ២១៧ក្នុងទិសដៅពីជេីងទៅត្បូង ហេីយបួងចង្កូតឆ្លងផ្លូវឆ្ពោះទៅផ្លូវលេខ១៨៣ក៏ជ្រុលទៅបុកម៉ូតូយ៉ាងពេញទំហឹងបណ្តាលឱ្យអ្នកជិះម៉ូតូទាំង២រនាក់រងរបួសបែកក្បាលហូរឈាមដេករដូករណែលត្រូវបានដឹកតាមរថយន្តសាមុយយកទៅសង្គ្រោះនៅមន្ទីរពេទ្យរុស្ស៊ីភ្លាមៗផងដែរ ។
ដោយឡែកខាងរថយន្តបង្កវិញរងការខូចខាតផ្នែកខាងឆ្វេង តែមិនគ្រោះថ្នាក់ដល់មនុស្សដែលជិះក្នុងរថយន្តនោះទេ តែអ្នកបេីកបរត្រូវសមត្ថកិច្ចឃាត់ខ្លួនរង់ចាំប្រគល់អោយផ្នែកជំនាញចរាចរណ៍បន្តនីតិវិធីទៀត ។
ក្រោយពេលកេីតហេតុ រថយន្ដនិងម៉ូតូត្រូវបានសមត្ថកិច្ចវាស់វែងយកទៅរក្សាទុកនៅការិយាល័យនគរបាលចរាចរណ៍ផ្លូវគោកដេីម្បីរង់ចាំដំណោះស្រាយ ៕
ដោយ៖សុខាសែនជ័យ
