ខេត្តព្រៃវែង ៖ នៅព្រឹកថ្ងៃទី០៧ ខែតុលា ឆ្នាំ២០២៤ លោក សួន សុម៉ាលីន អភិបាលនៃគណៈអភិបាលខេត្ត បានអញ្ជើញដឹកនាំកិច្ចប្រជុំគណៈបញ្ជាការឯកភាព រដ្ឋបាលខេត្តព្រៃវែង នៅសាលប្រជុំពហុបំណង «B» សាលាខេត្តព្រៃវែង ។

ក្នុងកិច្ចប្រជុំនេះដែរ ក៏មានការអញ្ជើញចូលរួមពី លោក លោកស្រី អភិបាលរងខេត្ត លោកប្រធានសាលាដំបូងខេត្ត លោកព្រះរាជអាជ្ញានៃអយ្យការអមសាលាដំបូងខេត្ត លោកនាយក នាយករងរដ្ឋបាលខេត្ត មេបញ្ជាការកងកម្លាំងទាំងបី លោក លោកស្រីប្រធានមន្ទីរ អង្គភាពជុំវិញខេត្ត អភិបាលក្រុង ស្រុក ប្រធានច្រកទ្វារព្រំដែនទាំង៦ និងលោក លោកស្រីនាយកទីចាត់ការ ប្រធានអង្គភាពចំណុះរដ្ឋបាលខេត្តព្រៃវែង។

កិច្ចប្រជុំនេះគឺដើម្បីពិនិត្យទៅលើ៖

១- បទអន្តរាគមន៍ ស្តីពីការងារសន្តិសុខ សណ្ដាប់ធ្នាប់សាធារណ:ក្នុងខេត្តព្រៃវែង

២- សេចក្តីរាយការណ៍អំពីវឌ្ឍនភាពការងារ ស្តីពីការត្រៀមរៀបចំប្រណាំងទូក “ង“ក្នុងខេត្តព្រៃវែង ដែលនឹងប្រព្រឹត្តិទៅនៅថ្ងៃទី១៦-១៧ ខែតុលា ឆ្នាំ២០២៤ខាងមុខនេះ

៣- មតិចូលរួមរបស់ សមាជិក សមាជិកា នៃអង្គប្រជុំ

៤- បញ្ហាផ្សេងៗ៕

ដោយ ៖ សិលា