ភ្នំពេញ​៖​ ក្រសួងព័ត៌មាន នៅថ្ងៃអង្គារ​ទី​០៨​ ខែតុលា​ ឆ្នាំ​២០២៤នេះ​ សូមជម្រាបជូនអ្នកសារព័ត៌មានជាតិ-អន្តរជាតិ និងប្រព័ន្ធផ្សព្វផ្សាយទាំងអស់ឱ្យបាន ជ្រាបថា ក្រសួងព័ត៌មាន និងក្រុមហ៊ុន អិម អេស អេ ម៉ាឃីធីង សីលូសិន អេស៊ា (MSA) នឹងសហការ រៀបចំសិក្ខាសាលាផ្សព្វផ្សាយស្តីពី «វិធានការគ្រប់គ្រងការផ្សព្វផ្សាយពាណិជ្ជកម្មផលិតផលគ្រឿងស្រវឹង និង ការអនុវត្តគោលការណ៍ឆន្ទៈល្អ» នៅថ្ងៃព្រហស្បតិ៍ ទី១០ ខែតុលា ឆ្នាំ២០២៤ វេលាម៉ោង ៨និង០០នាទីព្រឹក នៅសណ្ឋាគារសុខាភ្នំពេញ ដែលមានការអញ្ជើញចូលរួមពីអ្នកពាក់ព័ន្ធទាំងរដ្ឋ និងវិស័យឯកជនប្រមាណជា ១០០០នាក់។

ដើម្បីស្វែងយល់ឱ្យបានស៊ីជម្រៅពីវិធានការ និងបទប្បញ្ញត្តិក្នុងការគ្រប់គ្រងការផ្សព្វផ្សាយពាណិជ្ជកម្ម ផលិតផលគ្រឿងស្រវឹង ដោយអនុវត្តតាមគោលការណ៍សឆន្ទៈល្អ អ្នកសារព័ត៌មានជាតិ និងអន្តរជាតិ ដែលមាន ចំណាប់អារម្មណ៍ចូលរួមក្នុងសិក្ខាសាលាខាងលើនេះ សូមមេត្តាចុះឈ្មោះតាមរយៈ QR Code ដែលមានភ្ជាប់ នៅខាងក្រោម ឱ្យបានមុនម៉ោង ៣និង០០នាទីរសៀល នាថ្ងៃទី៩ ខែតុលា ឆ្នាំ២០២៤។

អាស្រ័យដូចបានជម្រាបជូនខាងលើ សូមអ្នកសារព័ត៌មានជាតិ និងអន្តរជាតិទាំងអស់ មេត្តាជ្រាបជា ព័ត៌មានតាមការគួរ៕

ដោយ​៖តារា​