ខេត្តកំពង់ស្ពឺ៖ កម្លាំងកងរាជអាវុធហត្ថក្រុងច្បារមនល្បាតក្នុងភូមិសាស្ត្រដើម្បីបង្ការនិងការពារទប់ស្កាត់បទល្មើសប្រទះឃើញមុខសញ្ញាសង្ស័យ២នាក់ធ្វើការឃាត់ខ្លួនឆែកឆេររកឃើញថ្នាំញៀនមួយកញ្ចប់ធំ។ ក្រោយឃាត់ខ្លួនសមត្ថកិច្ចបានបញ្ជូនជនសង្ស័យទាំង២ទៅកាន់ទីបញ្ជាការកងរាជអាវុធហត្ថខេត្តដើម្បីចាត់ការបន្ត។

ការឃាត់ច្លួននេះធ្វើឡើងនៅវេលាម៉ោង១០ និង១៥នាទីយប់ថ្ងៃទី៨ ខែសីហា ឆ្នាំ២០១៦ នៅចំណុចការ៉ាសសាំងលោក ឡុង ទិត្យ ស្ថិតក្នុងភូមិទួលគោក សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ។

លោកអនុសេនីយ៍ឯក ធី ឆៃ មេបញ្ជាការកងរាជអាវុធហត្ថក្រុងច្បារមនបានឲ្យដឹងថា ដោយអនុវត្តតាមការណែនាំរបស់លោកឧត្តមសេនីយ៍ ជូ សារុន មេបញ្ជាការកងរាជអាវុធហត្ថខេត្ត បានដឹកនាំកម្លាំងចេញល្បាតក្នុងមូលដ្ឋានដើម្បីបង្កនិងការពារកុំឲ្យមានបទល្មើសកើតឡើង។ លោកមេបញ្ជាការបន្តថា ក្នុងពេលដែលកម្លាំងរបស់លោកកំពុងល្បាតនោះស្រាប់តែប្រទះឃើញមុខសញ្ញាគួរឲ្យសង្ស័យក៏ធ្វើការឃាត់ខ្លួនដើម្បីឆែកឆេរ។ ក្រោយសមត្ថកិច្ចឆែកឆេររកឃើញមានថ្នាំញៀម១កញ្ចប់ធំនៅនឹងខ្លួនជនសង្ស័យក៏ឃាត់ខ្លួនបញ្ជូនទៅកាន់ទីបញ្ជាការកងរាជអាវុធហត្ថខេត្តដើម្បីចាត់ការបន្ត។ បន្ទាប់ពីឃាត់មុខសញាសង្ស័យចែកចាយគ្រឿងញៀនបានដកសម្ភាររួមមាន៖ ថ្នាំម៉ាទឹកកក១កញ្ចប់ធំ, ម៉ូតូ១គ្រឿងម៉ាកនិច ពណ៌ទឹកប្រាក់ គ្មានស្លាកលេខ, ទូរសព្ឌ័ដៃ២គ្រឿងម៉ាកសាំសុង។

បច្ចុប្បន្ន ជនសង្ស័យកំពុងត្រូវបានឃុំខ្លួននៅទីបញ្ជាការកងរាជអាវុធហត្ថខេត្ត ដើម្បីកសាងសំណុំរឿងបញ្ជូនទៅកាន់សាលាដំបបូងចាត់ការតាមនិតិវិធីប្រាប់៕

ដោយ៖ សេនាស័ក្តិ