ភ្នំពេញ៖ ករណីអគ្គិភ័យឆាបឆេះភោជនីយដ្ឋាន EAST& WEST នៅសង្កាត់ជ័យជំនះ ខណ្ឌដូនពេញយប់មិញនេះ គឺបណ្តាលមកពីឆ្លងចរន្តអគ្គិសនី បានបង្កការភ្ញាក់ផ្អើលដល់ប្រជាពលរដ្ឋ និងសមត្ថកិច្ចមូលដ្ឋាននាំគ្នាចុះអន្តរគមន៍បាញ់ពន្លត់ទាន់ពេលវេលាផងដែរ។
ហេតុការណ៍អគ្គិភ័យឆាបឆេះនេះ បានកើតឡើងនៅចំណុចភោជនីយដ្ឋាន EAST& WEST ផ្ទះលេខ E0 E1 ផ្លូវ១៧២ ភូមិ៤ សង្កាត់ជ័យជំនះ ខណ្ឌដូនពេញ កាលពីយប់ថ្ងៃទី២៥ ខែតុលា ឆ្នាំ២០២៤។
ចំពោះអគ្គិភ័យនេះធ្វើឱ្យឆេះផ្ទះទំហំ ០៤ម៉ែត្រ គុណនិង២០ម៉ែត្រ នៅជាន់ទី០១ ខូចខាចម៉ាស៊ីនត្រជាក់ចំនួន ០២គ្រឿង, ទូរក្លាសេចំនួន ០១គ្រឿង និងសម្ភារប្រើប្រាស់មួយចំនួន ហើយពុំបានរាលដាលដល់អ្នកក្បែរខាងឡើយ។
អគ្គិភ័យនេះត្រូវបានពន្លត់បានទាំងស្រុង នៅយប់ថ្ងៃខែឆ្នាំដដែលដោយប្រើប្រាស់រថយន្តការិយាល័យអគ្គិភ័យរាជធានីភ្នំពេញ ចំនួន ១០គ្រឿង ប្រេីប្រាស់ទឹកអស់ចំនួន ០៥ឡាន ស្មើរនឹង ២០ម៉ែត្រគូប, រថយន្តអគ្គិភ័យ OCIC ទីក្រុងកោះពេជ្រចំនួន ០២គ្រឿង ប្រើប្រាស់ទឹកអស់ចំនួន ០១ឡាន ស្មើនឹង ១២ម៉ែត្រគូប៕
ដោយ៖តារា
