ខេត្តពោធិ៍សាត់៖ ដោយអនុវត្តតាមមតិចង្អុលការណែនាំរបស់លោកឧត្តមសេនីយ៍ទោ ស ថេង ស្នងការនគរបាលខេត្តពោធិ៍សាត់ ស្ដីពីការការពារសន្តិសុខសណ្ដាប់ធ្នាប់ ជូនប្រជាពលរដ្ឋក្នុងមូលដ្ឋានឲ្យកាន់តែល្អប្រសើរនោះ យោងតាមបទបញ្ជាផ្ទាល់របស់ លោកវរសេនីយ៍ឯក កែវ សារិ អធិការនគរបាលក្រុងពោធិ៍សាត់ បានបញ្ជាឲ្យកម្លាំងអន្តរាគមន៍ នៃអធិការដ្ឋាន នគរបាល ក្រុង ពោធិ៍សាត់ ដឹកនាំដោយលោកវរសេនីយ៍ទោ ប៉ុន រតនា អធិការរង សហការជាមួយ ប៉ុស្ដិ៍ នគរបាល រដ្ឋ បាល ព្រៃញី បានចុះបង្រ្កាបករណី ជួញដូរ រក្សាទុក និងប្រើប្រាស់នូវសារធាតុញៀនមួយកន្លែង នៅ ចំណុចផ្ទះ ឈ្មោះ ជេត វណ្ណី ភេទស្រី អាយុ២៨ឆ្នាំ ស្ថិតនៅ ភូមិ ដូងជ្រុំ សង្កាត់ ព្រៃញី ក្រុង ពោធិ៍សាត់ ខេត្តពោធិ៍សាត់ កាលពីថ្ងៃទី២៤ ខែ តុលា ឆ្នាំ២០២៤ វេលាម៉ោង២និង៣០នាទីរសៀល។
លោកអធិការ កែវ សារិ បានឲ្យដឹងថា សមត្ថកិច្ចបានឃាត់ខ្លួនជនសង្ស័យចំនួន៤នាក់ ១-ឈ្មោះ បុិន តុលា ភេទប្រុស អាយុ២៧ឆ្នាំ មុខរបរមិនពិតប្រាកដ រស់នៅ ភូមិ សំរោង ឃុំកញ្ជោរ ស្រុកកណ្ដៀង ខេត្តពោធិ៍សាត់ រក្សាទុកចែកចាយ និងប្រើប្រាស់នូវសារធាតុញៀន (លទ្ធផល តេស្ត ស្វែងរក សារធាតុ ញៀន ក្នុងទឹកនោមលទ្ធផល + វិជ្ជមាន )។
២-ឈ្មោះ យិន រតនា ភេទប្រុស អាយុ ១៨ឆ្នាំ មុខរបរ មិនពិតប្រាកដ រស់នៅ ភូមិ ក្រាំងធំ ឃុំអូរសណ្ដាន់ ស្រុកក្រគរ ខេត្តពោធិ៍សាត់ ប្រើប្រាស់នូវសារធាតុញៀន(លទ្ធផល តេស្ត ស្វែងរក សារធាតុ ញៀន ក្នុងទឹកនោមលទ្ធផល(+) វិជ្ជមាន )។
៣-ឈ្មោះ ហម ពេជ្យ ភេទប្រុស អាយុ១៧ឆ្នាំ មុខរបរ មិនពិតប្រាកដ រស់នៅ ភូមិ បឹងក្រាញ់ ឃុំកញ្ជរ ស្រុកកណ្ដៀង ខេត្តពោធិ៍សាត់ ប្រេីប្រាស់ដោយ ខុស ច្បាប់នូវ សារធាតុ ។ (លទ្ធផល តេស្ត ស្វែងរក សារធាតុ ញៀន ក្នុងទឹក នោមលទ្ធផល(+)វិជ្ជមាន ។
៤-ឈ្មោះ ជេត វណ្ណី ភេទស្រី អាយុ ២៨ឆ្នាំ មុខរបរ ម៉ាស្សា រស់នៅ ភូមិ ក្រាំងតាសែន សង្កាត់ ព្រៃញី ក្រុង ពោធិ៍សាត់ ខេត្តពោធិ៍សាត់ សម្រួលទីតាំងនិងប្រេីប្រាស់ដោយខុសច្បាប់ នូវសារធាតុញៀន(លទ្ធផល តេស្ត ស្វែងរក សារធាតុ ញៀន ក្នុងទឹកនោមលទ្ធផល(+) វិជ្ជមាន នឹងដកហូតវត្ថុរួមមាន ៖ ម្សៅក្រាមពណ៌សថ្លា សង្ស័យជាសារធាតុញៀន ចំនួន១១កញ្ចប់ ទម្ងន់សរុប៣១,៧៨ ក្រាម(គិតសាច់ថ្នាំសុទ្ធ) ,ទូរសព្ទដៃ ចំនួន ១ គ្រឿង ( ម៉ាកinfinix ពណ៌ ទឹកសមុទ្រ) ,អំពូលកែឆ្នៃសំរាប់ជក់ថ្នាំចំនួន ៦ ,ថង់សម្រាប់ ច្រកថ្នាំញៀនមួយចំនួន ,ដែកកេះកែឆ្នៃសម្រាប់ជក់ថ្នាំញៀនចំនួនមួយ ,ម៉ូតូហុងដាឌ្រីមសង់២០២២ ចំនួន១គ្រឿង ពណ៌ ក្រហម ស្លាកលេខ ពោធិ៍សាត់ 1K-0178 ,កញ្ចប់បារីចំនួន១កញ្ចប់ ,ឧបករណ៍ប្រើប្រាស់គ្រឿងញៀនចំនួន១កំប្លេ ,ទុយោសម្រាប់ចូកគ្រឿងញ្ញៀនចំនួន១។
បច្ចុប្បន្នជនសង្ស័យទាំង៤នាក់ រួមនឹងវត្ថុតាង ត្រូវបានសមត្ថកិច្ចឃាត់ខ្លួន នៅ អធិការ ដ្ឋាន នគរបាល ក្រុង ពោធិ៍សាត់ ដើម្បីចាត់ការតាមនីតិវិធី ៕
ដោយ ៖ សិលា
