ខេត្តស្វាយរៀង​: ក្នុងខេត្តស្វាយរៀង បេក្ខជនប្រលងជាប់បាក់ឌុបឆ្នាំ២០២៤

មានចំនួន ២.៩៥២ នាក់ក្នុងនោះស្រី ១.៦៦៨នាក់ ខណៈទទួលបាននិទ្ទេសA ចំនួន៣៧ នាក់ ។

យោងតាម មន្ត្រីមន្ទីរអប់រំ យុវជន​និងកីឡាខេត្តស្វាយរៀង នៅព្រឹកថ្ងៃទី៣១ ខែតុលា ឆ្នាំ២០២៤បានចូលរួមប្រកាសលទ្ធផលប្រឡងសញ្ញាបត្រមធ្យមសិក្សាទុតិយភូមិ(បាក់ឌុប) សម័យប្រឡង៖ ០៨ តុលា ២០២៤ នៅតាមមណ្ឌលប្រឡងទាំង៨ មណ្ឌល។

តាមការបិតបញ្ជីឈ្មោះ​បេក្ខជន​ប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ០៨ តុលា ​២០២៤នៅខេត្តស្វាយរៀង ចំនួនបេក្ខជនសរុបក្នុងខេត្ត ៤.១៣៩ នាក់ក្នុងនោះស្រី ២.២៤១ នាក់ បញ្ជីឈ្មោះបានប្រឡងជាប់សញ្ញាបត្រក្នុងខេត្តស្វាយរៀងសរុបចំនួន ២.៩៥២ នាក់ក្នុងនោះស្រី ១.៦៦៨នាក់។​

ហើយ​បេក្ខជន​ទទួលបាននិទ្ទេសA ចំនួន៣៧ នាក់ ក្នុងនោះស្រី២០នាក់ សម្រាប់ការប្រឡងសញ្ញាបត្រមធ្យមសិក្សាទុតិយភូមិ សម័យប្រឡ៖ង ០៨ តុលា ​២០២៤។

គួរជម្រាបថា អ្នក​ប្រឡង​ជាប់សញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំ​២០២៤នេះ មាន​ ១០៦ .៣៥១នាក់ ដែលស្មើ ៧៩ភាគរយ ក្នុងចំណោម​បេក្ខជន​សរុប។ បេក្ខជន​​ដែល​ទទួលបាននិទ្ទេស A មាន២ ២.១៦នាក់ និទ្ទេស B មាន ៩.៧០១នាក់ និទ្ទេស C មាន​២២.៦៧៥នាក់ និទ្ទេស D មាន៣៦ .៦៨៣នាក់ និងនិទ្ទេស E មាន​៣៥.០៧៦នាក់៕