រាជធានីភ្នំពេញ ៖ នគរបាលព្រហ្មទណ្ឌកម្រិតស្រាល បញ្ជូនខ្លួន ជនសង្ស័យ០៥នាក់ ដែលធ្វើសកម្មភាពកាប់ទៅលើជនរងគ្រោះម្នាក់ បណ្តាលអោយរងរបួសជាច្រើនកន្លែង នៅខណ្ឌឬស្សីកែវ ។

បើតាមការបញ្ជាក់ពីសមត្ថកិច្ចបានអោយដឹងថា ដោយអនុវត្តន៍តាមបទបញ្ជារ ឧត្តមសេនីយ៍ឯក ជួន ណារិន្ទស្នងការនគរបាលរាជធានី បានបញ្ជារអោយលោក ឧត្តមសេនីយ៍ត្រី ប៊ុន សត្យា ទទួលផែនព្រហ្មទណ្ឌបញ្ជារអោយកម្លាំងនគរបាលកម្រិតស្រាលរាជធានីភ្នំពេញ ចុះទៅដល់កន្លែងកើតហេតុ ដើម្បីបើកការស្រាជ្រាវកំណត់អត្តសញ្ញាណជនសង្ស័យ រហូតឈានដល់ឃាត់ខ្លួនជនសង្ស័យបានចំនួន ០៥នាក់ខាងលើនៅថ្ងៃទី១១ ខែវិច្ឆិកា ឆ្នាំ២០២៤ វេលាម៉ោង ២២ និង ០០នាទី នៅចំណុចភូមិ ២២ សង្កាត់ស្រះចក ខណ្ឌដូនពេញ ។ 

ក្នុងនោះរួមមានជនសង្ស័យ ១.ឈ្មោះ ឈ្មោះ វ៉ាន់ ណាវីត ហៅក្រៅ ប៊ី ភេទប្រុស អាយុ ១៧ឆ្នាំ មុខរបរគ្មាន មានទីលំនៅផ្ទះជួល ភូមិ២២ សង្កាត់ស្រះចក ខណ្ឌដូនពេញ រាជធានីភ្នំពេញ។ (ឃាត់ខ្លួន)

២- ឈ្មោះ មួន ខេមរា ភេទប្រុស អាយុ ១៧ឆ្នាំ មុខរបរគ្មាន មានទីលំនៅផ្ទះលេខ១៧០ ផ្លូវលេខ៨៦ ភូមិ២២ សង្កាត់ស្រះចក ខណ្ឌដូនពេញ រាជធានីភ្នំពេញ។ (ឃាត់ខ្លួន)

៣- ឈ្មោះ រឿង វីរះ ភេទប្រុស អាយុ ១៧ឆ្នាំ មុខរបរនៅផ្ទះ មានទីលំនៅ ភូមិ២២ សង្កាត់ស្រះចក ខណ្ឌដូនពេញ រាជធានីភ្នំពេញ។ (ឃាត់ខ្លួន)

៤- ឈ្មោះ ណាង វណ្ណះ ភេទប្រុស អាយុ ១៩ឆ្នាំ មុខរបរដឹកជញ្ជូន មានទីលំនៅ ភូមិ១៥ សង្កាត់ស្រះចក ខណ្ឌដូនពេញ រាជធានីភ្នំពេញ (ឃាត់ខ្លួន)។

៥-ឈ្មោះ ជួន ឌីម៉ូ ភេទប្រុស អាយុ 17ឆ្នាំ មុខរបរ សិស្ស មានទៅលំនៅសង្កាត់ដង្កោ ខណ្ឌដង្កោ រាជធានីភ្នំពេញ ។

បច្ចុប្បន្ន ជនសង្ស័យទាំង០៥នាក់ ត្រូវបានការិយាល័យព្រហ្មទណ្ឌកំរិតស្រាលរាជធានីភ្នំពេញ កសាងសំណុំរឿងបញ្ជូនទៅកាន់សាលាដំបូង ដើម្បីបន្តនិតិវិធី ។

គួរបញ្ជាក់ផងដែរថា កាលពីថ្ងៃទី០៤ ខែវិច្ឆិកា ឆ្នាំ២០២៤ វេលាម៉ោង ១០នឹង៣០នាទីយប់ នៅចំណុចហាងកាហ្វេអេសខេ ផ្លូវបេតុង ភូមិមិត្តភាព សង្កាត់ឬស្សីកែវ ខណ្ឌឬស្សីកែវ ជនរងគ្រោះ និងមិត្តភ័ក្តចំនួន ០៣នាក់ បានអង្គុយចាំមិត្តភ័ក្តម្នាក់ទៀតដែលជូនសង្សារទៅផ្ទះ ស្រាប់តែមានជនសង្ស័យ ចំនួន ០៧នាក់មិនស្គាល់អត្តសញ្ញាណ ជិះម៉ូតូ ៤គ្រឿងម៉ាក ហុងដាឌ្រីម និងម៉ាក ស៊ុយសុីគីនិច មិនចាំស្លាកលេខ បានជិះចូលមក កាប់មកលើជនរងគ្រោះ ប្រដាប់ដោយដាវកែច្នៃ បណ្តាលឲ្យជនរងគ្រោះរងរបួសដៃ ជាច្រើនកន្លែង រួចជនសង្ស័យបានជិះម៉ូតូគេចខ្លួនបាត់តែម្តង ។ ចំណែកឯជនរងគ្រោះត្រូវមិត្តភ័ក្តបញ្ចូនទៅសង្គ្រោះនៅមន្ទីរពេទ្យកាលម៉ែត ៕ ដោយ រ៉ារ៉ា