ខេត្តបាត់ដំបង៖ លោកឧត្តមសេនីយ៍ទោ ដាញ់ អេងប៊ុនចាន់ស្នងការនៃស្នងការដ្ឋាននគរបាលខេត្តបាត់ដំបង បានឱ្យដឹងថា កម្លាំងសមត្ថកិច្ចនគរបាលខេត្ត បានបន្តចុះអនុវត្តបង្រ្កាបបទល្មើសនេសាទខុសច្បាប់ចំនួន ០២ទីតាំងនៅស្រុកសង្កែ ព្រមទាំងរឹបអូសវត្ថុតាងជាឧបករណ៍នេសាទខុសច្បាប់ជាច្រើន យកមកដុតកម្ទេចចោលនៅនឹងកន្លែង។
លោកស្នងការខេត្ត បានឱ្យដឹងទៀតថា ក្នុងប្រតិបត្តិការចុះបង្ក្រាបខាងលេីនេះ បានធ្វេីឡេីងនៅថ្ងៃទី១៦ ខែវិច្ឆិកា ឆ្នាំ២០២៤ម្សិលមិញនេះ ដោយកម្លាំងនគរបាលក្នុងផែនជំនាញ រួមជាមួយកម្លាំងនគរបាលស្រុកសង្កែដែលមានលោកសេនីយ៍ទោ យុត តុងហូ ជាអធិការនគរបាលស្រុកចុះបង្រ្កាបបទល្មើសនេសាទខុសច្បាប់ ចំនួន០២ទីតាំង មានដូចខាងក្រោម៖
១-ចំណុចបឹងម៉ាត់(ភូមិសាស្រ្តភូមិអណ្ដូងត្រាចឃុំកំពង់ព្រះ)ក-ាប់បំផ្លាញឡុកចាប់ត្រីចំនួន០៤និងដុតបំផ្លាញសាច់មងបានចំនួន១,២០០ម៉ែត្រដកបង្គោលចំនួន៣៥០ដើមនិងប្រលែងកូនត្រីប្រហែល៥០គីឡូក្រាម។
២-ចំណុចបឹងអាចក(ភូមិកំពង់ព្រះ ឃុំកំពង់ព្រះ)ក-ាប់ បំផ្លាញឡុកត្រីចំនួន០៤ ដុតបំផ្ល្លាញសាច់ម៉ងបានចំនួន១៥០០ម៉ែត្រដកបង្គោលចំនួន ៤០០ដើមនិងបានប្រលែងកូនត្រីប្រហែល១០០គីឡូក្រាម៕
ដោយ៖តារា
