ភ្នំពេញ៖ បុរសម្នាក់សង្ស័យស្រវឹងស្រាបើករថយន្តក្នុងល្បឿនលឿនជ្រុលធ្លាក់ប្រឡាយទឹកស្អុយ កាលពីវេលាម៉ោង២ និង៤០នាទីយប់ថ្ងៃទី១១ ខែសីហា ឆ្នាំ២០១៦ ស្ថិតនៅតាមបណ្ដោយផ្លូវជាតិលេខ៤ នៅមុខAA2888 ណេត២៤ម៉ោង ភូមិព្រៃព្រីងខាងជើង សង្កាត់ចោមចៅ ខណ្ឌពោធិ៍សែនជ័យ។

តាមប្រភពព័ត៌មានពីលក់បាយឆាដែលនៅជិតកន្លែងកើតហេតុបាននិយាយថា មុនពេលកើតហេតុគាត់ឃើញបុរសខាងលើបើករថយន្តម៉ាកCRV ពណ៌ខ្មៅ ពាក់ស្លាក2D-9206 ធ្វើដំណើរតាមបណ្តោយផ្លូវជាតិលេខ៤ ក្នុងទិសដៅពីលិចទៅកើតល្បឿនលឿន លុះមកដល់ចំណុចកើតហេតុបានរេចង្កូតទៅផ្នែកខាងឆ្វេងជ្រុលធ្លាក់ប្រឡាយទឹកស្អុយតែសំណាងមិនបង្កឲ្យមានមនុស្សរងរបួសនោះទេ។

ក្រោយពេលកើតហេតុសមត្ថកិច្ចបានចុះមកដល់ចំណុចកើតហេតុពិនិត្យជាក់ស្តែងដោយសារតែមិនបង្កគ្រោះថ្នាក់ដល់អ្នកដទៃទើបប្រគល់រថយន្តទៅឲ្យម្ចាស់ហៅរថយន្តមកស្ទូចយកទៅជួសជុលខ្លួនឯង៕

ដោយ៖ សុខាសែនជ័យ