ខេត្តបាត់ដំបង៖ នៅវេលាម៉ោង១០ និង៣០នាទីយប់ថ្ងៃទី១០ ខែសីហា ឆ្នាំ២០១៦ ស្ថិតនៅ ភូមិ ចក្រី ឃុំ បារាំងធ្លាក់ ស្រុកភ្នំព្រឹក កម្លាំងជំនាញអធិការដ្ឋាននគរបាលស្រុកភ្នំព្រឹក ដឹកនាំដោយលោកវរសេនីយ៍ទោ សុង សុភ័ក្ត្រ អធិការនគរបាលស្រុកភ្នំព្រឹកបានសហការណ៍ជាមួយកម្លាំងប៉ុស្តិ៍នគរបាលរដ្ឋបាលបារាំងធ្លាក់ បានចាប់ឃាត់ខ្លួនជនសង្ស័យ រក្សាទុក ដួញដូរ ឬដឹកជញ្ជូននូវសារធាតុញៀនដោយខុសច្បាប់២នាក់ ប្តីប្រពន្ធ ប្តីឈ្មោះ ញុច វ៉ាន់ អាយុ៤២ឆ្នាំ ប្រពន្ធឈ្មោះ អែម ភាព អាយុ៣៩ឆ្នាំ រស់នៅ ភូមិ ឃុំខាងលើ ដកហូត គ្រាប់ថ្នាំពណ៌ផ្កាឈូកសញ្ញាWY ចំនួន ១៨គ្រាប់ បំពង់សម្រាប់ដាក់ថ្នាំញៀនមួយចំនួន និងទូសព្ទ័ចំនួន០២គ្រឿង ។

ករណីខាងលើនេះ សមត្ថកិច្ចកំពុងកសាងសំណុំរឿង និងបញ្ជូនខ្លួនជនសង្ស័យ ទៅការិយាល័យជំនាញដើម្បីចាត់ការតាមនីតិវិធីច្បាប់ ៕

ដោយ៖ សុខ ខេមរា