ភ្នំពេញ៖ បុរសម្នាក់បេីកបរម៉ូតូសណ្តោងរ៉ឺម៉កឆ្លងផ្លូវមិនប្រយ័ត្នក៏ជ្រុលបុកជាមួយម៉ូតូបណ្តាលឱ្យរងរបួសទាំងសងខាងត្រូវបានកងសង្គ្រោះបន្ទាន់៧១១ កងពលតូចលេខ៧០ ដឹកទៅមន្ទីរពេទ្យភ្លាមៗ។
ហេតុការណ៍គ្រោះថ្នាក់ចរាចរណ៍នេះផងដែរបានកេីតឡេីងកាលពីវេលាម៉ោង១០យប់ ថ្ងៃទី១៨ ខែវិច្ឆិកា ឆ្នាំ២០២៤ នៅតាមផ្លូវជាតិលេខ៣ ភូមិព្រៃកី សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ។
ជនរងគ្រោះទី១ មានឈ្មោះ ណាំ សមដារ៉ា ភេទប្រុស អាយុ២២ឆ្នាំ មានទីលំនៅភូមិតាងៅ សង្កាត់និរោធ ខណ្ខច្បារអំពៅ ភ្នំពេញ រងរបួសជើងស្ដាំនិងបែកប្រអប់ដៃស្ដាំ ។
ជនរងគ្រោះទី២មានឈ្មោះ ផឹម ផានិត ភេទប្រុស អាយុ២៦ឆ្នាំ រស់នៅភូមិគោកបេង សង្កាត់គោកចក ក្រុងសៀមរាប ខេត្តសៀមរាប រងរបួសផ្ទៃមុខ និងរលាត់ដៃជើង។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញបុរសម្នាក់បេីកបរម៉ូតូសណ្តោងរ៉ឺម៉កធ្វេីដំណេីរឆ្លងផ្លូវពីកេីតទៅលិចបំណងឆ្លងទៅត្បូង ខណៈឆ្លងបានបន្តិចស្រាប់តែមានបុរសម្នាក់ជិះម៉ូតូម៉ាកហុងដា ពណ៌ខ្មៅ ធ្វេីដំណេីរតាមបណ្តោយផ្លូវជាតិលេខ៣ ក្នុងទិសដៅពីជេីងទៅត្បូងលឿនក៏ជ្រុលពេញទំហឹងបណ្តាលឱ្យរងរបួសទាំងសងខាង។
ក្រោយកេីតហេតុជនរងគ្រោះទាំង២នាក់ត្រូវបានរថយន្តសង្គ្រោះរបស់អង្គភាព៧១១ កងពលតូចលេខ៧០ ជួយដឹកបញ្ជូនទៅព្យាបាលនៅមន្ទីរពេទ្យព្រះកុសុមៈចំណែកម៉ូតូនិងរ៉ឺម៉កត្រូវបានសមត្ថកិច្ចយកទៅរក្សាទុកនៅអធិការនគរបាលខណ្ឌកំបូលដេីម្បីរងចាំដោះស្រាយពេលក្រោយ៕
ដោយ៖សុខាសែនជ័យ
