ភ្នំពេញ ៖​ បុរសម្នាក់បានបើករថយន្តដឹកអង្ករពេញលើរថយន្តគេចពីរ៉ឺម៉កបើកឆ្លងផ្លូវស្រាប់តែក្រឡាប់ផ្ងារជើង បណ្ដាលអោយគៀបអ្នកបើកបរក្នុងរថយន្ដរងរបួសស្រាល ហេតុការណ៍នេះបង្កការភ្ញាក់ផ្អើលកាលពីវេលាម៉ោង១០ និង២០នាទីព្រឹកថ្ងៃទី២០ ខែវិចិ្ឆកា ឆ្នាំ២០២៤ នៅតាមផ្លូវបេតុង៣០ម៉ែត្រ សង្កាត់ព្រៃវែង ខណ្ឌដង្កោ ។

យោងតាមប្រភពព័ត៌មានពីកន្លែងកើតហេតុបានប្រាប់អោយដឹងថាមុនពេលកើតហេតុគេបានឃើញរថយន្ត ម៉ាកហ៊ីយ៉ាន់ដាយ ពណ៌សពាក់ស្លាកលេខ ភ្នំពេញ 3F-0197 បើកបរដោយបុរសម្នាក់តាមផ្លូវ៣០ម៉ែត្រក្នុងទិសដៅពីលិចទៅកើតដោយមានដឹកអង្ករពេញលើរថយន្ត ខណះពេលធ្វើដំណើរដល់ចំណុចកើតហេតុក៏មានរ៉ឺម៉កដឹកអីវ៉ាន់មួយគ្រឿងបើកចេញពីផ្លូវបេតុងឆ្លងផ្លូវ ក៍បានអកសឺជាន់ហ្វ្រាំងមិនជាប់ ក៏រេចង្កូតមកខាងស្ដាំរួចក៏ត្រឡប់ រថយន្តផ្ងារជើងឡើងលើចាក់អង្ករចោលបណ្ដាលគៀបជាប់អ្នកបើកបរក្នុងរថយន្ដរងរបួសស្រាល ។

ពេលនោះសមត្ថកិច្ចមូលដ្ឋានបានចុះទៅដល់កន្លែងកើតហេតុក៏បានពិនិត្យឃើញថារថយន្តខាងលើមិនបង្កឲ្យមានអ្នកណារងរបួសហើយក៏មិនខូចខាតសម្បត្តិរដ្ឋទើបអនុញ្ញាតឲ្យអ្នកបើកបររថយន្ត ហៅរថយន្តផ្សេងមកផ្ទេយកអង្ករចេញ និងឲ្យអ្នកបើកបរហៅរថយន្តស្ទូច មកស្ទួចរថយន្ត យកទៅជួសជុលដើម្បីប្រេីប្រាស់បន្ត៕​

ដោយ​ ៖​ ភារ៉ា​ ដង្កោ