ភ្នំពេញ៖ អធិការដ្ឋាននគរបាលខណ្ឌបឹងកេងកង បានឱ្យដឹងថា កម្លាំងជំនាញព្រហ្មទណ្ឌខណ្ឌ បានចុះស្រាវជ្រាវរហូតឈានដល់ការបង្រ្កាប និងឃាត់ខ្លួនជនសង្ស័យម្នាក់ ពីបទអំពើលួច (ទូរស័ព្ទដៃចំនួន០៤គ្រឿង) នៅចំនុចផ្ទះលេខ៦៤E0 ផ្លូវ២៧៨ ភូមិ៧ សង្កាត់បឹងកេងទី២ ខណ្ឌបឹងកេងកង រាជធានីភ្នំពេញ កាលពីថ្ងៃទី២១ ខែវិច្ឆិកា ឆ្នាំ២០២៤ វេលាម៉ោង០៤ និង០០នាទីទៀបភ្លឺ។
ជនសង្ស័យឈ្មោះ ឈិន គឹមហាំង ភេទប្រុស អាយុ២០ ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅ មិនពិតប្រាកដ (មានសារធាតុញៀន) ។
ចំណែកវត្ថុតាងដកហូត៖
១-ទូរស័ព្ទដៃ០១គ្រឿងម៉ាកIPhone 14Pru max ពណ៌ខ្មៅ
២-ទូរស័ព្ទដៃ០១គ្រឿងម៉ាកIPhone ១២Pru max ពណ៌ខៀវ
៣-ទូរស័ព្ទដៃ០១គ្រឿងម៉ាកIPhone X max ពណ៌មាស
៤-ទូរស័ព្ទដៃ០១គ្រឿងម៉ាក VIVO ពណ៌ខ្មៅ
-ចំពោះទូរស័ព្ទទាំង៤គ្រឿងត្រូវបានសមត្ថកិច្ចប្រគល់ឲ្យជនរងគ្រោះវិញ។
បច្ចុប្បន្នជនសង្ស័យឃាត់ខ្លួននៅអធិការដ្ឋាននគរបាលខណ្ឌបឹងកេងកង បណ្ដោះអាសន្ន ដេីម្បីកសាងសំណុំរឿងបន្ដ តាមនីវិធីច្បាប់ ៕អរុណរះ
