ខេត្តពោធិ៍សាត់៖ កាលពីរសៀលថ្ងៃទី១១ ខែសីហា ឆ្នាំ២០១៦ សាខាកាកបាទក្រហមកម្ពុជាខេត្តពោធិ៍សាត់ ដឹកនាំដោយ លោក ខូយ រីដា ប្រធានគណៈកម្មាធិការសាខា ចូលរួមដោយសមាជិក សមាជិកាគណៈកម្មាធិការសាខា និងក្រុមប្រតបត្តិសាខា ចុះសួរសុខទុក្ខ និងនាំយកអំណោយមនុស្សធម៌ទៅចូលបុណ្យសពលោកតា គុយ ហីុន ជាអ្នកសិល្បៈករជើងចាស់មួយរូបជាអ្នកចម្រៀងចាបុីដងវែង ដែលបានទទួលមរណៈភាពក្នុងជន្មាយុ ៧០ឆ្នាំដោយរោគាពាធ នៅភូមិកោះព្រៀល ឃុំបឹងបត់កណ្តោល ស្រុកបាកាន ខេត្តពោធិ៍សាត់។

នៅក្នុងឱកាសនោះ លោកប្រធានគណៈកម្មាធិការសាខា នាំយកប្រសាសន៍ផ្តាំផ្ញើរការសួរសុខទុក្ខនិងការចូលរួមរំលែកទុក្ខដល់ក្រុមគ្រួសារសព ពីសម្តេចកិត្តិព្រឹទ្ធបណ្ឌិតប្រធានកាកក្រហមកម្ពុជា និងការសោកស្តាយយ៉ាងខ្លាំងចំពោះការបាត់បង់លោកតាជាសិល្បៈករដ៏ល្បីឈ្មោះនេះ និងសូមបួងសួងដល់វិញ្ញាណក្ខន្ធលោកតាបានទៅកាន់សុគតិភព៕

ដោយ៖ សីលា