លោក Ruud van Nistelrooy នឹងត្រូវតែងតាំងជាអ្នកចាត់ការថ្មីរបស់ក្លិបចចកកំណាច Leicester City។ បុរសសញ្ជាតិហូឡង់វ័យ៤៨ឆ្នាំរូបនេះនឹងជំនួសកន្លែងលោក Steve Cooper ដែលត្រូវបានបណ្តេញចេញបន្ទាប់ពីដឹកនាំបានត្រឹមតែ១៥៧ថ្ងៃបន្ទាប់ពីការចាញ់ Chelsea ២-១ នៅ Premier League កាលពីថ្ងៃសៅរ៍។

ការតែងតាំងលោក Van Nistelrooy កើតឡើង២សប្តាហ៍បន្ទាប់ពីគាត់បានចាកចេញពីតួនាទីរបស់គាត់ជាគ្រូបង្វឹកបណ្តោះអាសន្ននៅ Manchester United បន្ទាប់ពីការបណ្តេញចេញរបស់លោក Erik ten Hag។

គាត់បានមើលការខុសត្រូវឈ្នះ៣ប្រកួត និងស្មើ១ប្រកួតក្នុងអំឡុងពេលគាត់កាន់តំណែងនៅ United ប៉ុន្តែបានចាកចេញបន្ទាប់ពីត្រូវបានគេប្រាប់ថា គាត់នឹងមិនត្រូវបានផ្តល់តួនាទីជាបុគ្គលិកផ្នែកខាងក្រោយរបស់អ្នកចាត់ការថ្មីលោក Ruben Amorim ទេ។

ជ័យជម្នះ២លើកក្រោមការដឹកនាំរបស់លោក Van Nistelrooy គឺទល់នឹង Leicester ពោលគឺឈ្នះ ៥-២ ក្នុងពានរង្វាន់ League Cup វគ្គ១៦ក្រុមចុងក្រោយ និងជ័យជម្នះ ៣-០ នៅ Premier League កាលពីដើមខែនេះ។

អតីតខ្សែប្រយុទ្ធ Manchester United និងហូឡង់រូបនេះនឹងចូលរួមជាមួយ Leicester ជាមួយក្លិបលេខ១៦ក្នុង Premier League បន្ទាប់ពី១២ប្រកួត ហើយមានត្រឹមតែ១ពិន្ទុពីលើក្រុមស្ថិតក្នុងតំបន់កាត់ចោល។

លោក Cooper ត្រូវបានជួលនៅរដូវក្តៅនេះដើម្បីជំនួសលោក Enzo Maresca បន្ទាប់ពីគ្រូបង្វឹកសញ្ជាតិអ៊ីតាលីបានចូលរួមជាមួយ Chelsea ប៉ុន្តែបានឈ្នះការប្រកួត Premier League ត្រឹមតែ២ប៉ុណ្ណោះ។

តួនាទីពេញម៉ោងពីមុនរបស់លោក Van Nistelrooy គ្រប់គ្រងក្រុមមួយរដូវកាលដែលទទួលបន្ទុកនៅក្លិប PSV ក្នុងឆ្នាំ២០២២-២០២៣ ជាកន្លែងដែលគាត់បានឈ្នះពានរង្វាន់ Dutch Cup មុនពេលចូលរួមជាមួយ United ជាជំនួយការគ្រូបង្វឹកក្នុងខែកក្កដា។

ការប្រកួតបន្ទាប់របស់ Leicester គឺនៅក្រៅដីនៅ Brentford នៅថ្ងៃសៅរ៍ក្នុង Premier League ហើយខណៈពេលដែលវាមិនច្បាស់ថា តើលោក Van Nistelrooy នឹងត្រូវចូលលេងនោះទេ ប៉ុន្តែការនៅជិតចុងសប្តាហ៍នេះមានន័យថា វាមិនទំនងដែលគាត់នឹងមកដឹកនាំក្រុមនោះទេ។ រីឯលោក Ben Dawson ជំនួបការអ្នកចាត់ការទូទៅរបស់ក្រុម Leicester ដែលជាផ្នែកមួយនៃបុគ្គលិករបស់លោក Cooper នៅតែត្រៀមខ្លួនជាស្រេចដើម្បីដឹកនាំក្រុម៕ (រូបភាព ៖ BBC)