ប្រធានាធិបតីជាប់ឆ្នោតអាមេរិក លោក Donald Trump នឹងមកប្រទេសបារាំង ដើម្បីចូលរួមពិធីសម្ពោធព្រះវិហារ Notre Dame ក្នុងទីក្រុងប៉ារីស នៅចុងសប្តាហ៍នេះ។

សារព័ត៌មាន CNN បានផ្សាយកាលពីថ្ងៃទី 2 ខែធ្នូថាប្រធានាធិបតីជាប់ឆ្នោតរបស់សហរដ្ឋអាមេរិកលោក Donald Trump គ្រោងនឹងធ្វើទស្សនកិច្ចនៅប្រទេសបារាំងដើម្បីចូលរួមពិធីសម្ពោធព្រះវិហារ Notre Dame ក្នុងទីក្រុងប៉ារីសនៅថ្ងៃទី 7 ខែធ្នូ។ បើវាកើតឡើង នេះនឹងជាដំណើរទៅក្រៅប្រទេសលើកដំបូងរបស់លោក Trump ចាប់តាំងពីជាប់ឆ្នោតកាលពីខែវិច្ឆិកាកន្លងទៅ។
យោងតាមប្រភពជិតស្និទ្ធមួយចំនួន ក្រុមការងាររបស់លោក Trump បានពិភាក្សាជាច្រើនថ្ងៃជាមួយការិយាល័យប្រធានាធិបតីបារាំង Emmanuel Macron អំពីដំណើរទស្សនកិច្ចនេះ។
ប្រធានាធិបតីជាប់ឆ្នោតអាមេរិកត្រូវបានរដ្ឋាភិបាលបារាំងអញ្ជើញឱ្យចូលរួមក្នុងពិធីសម្ពោធវិហារ Notre Dame ក្នុងទីក្រុងប៉ារីស បន្ទាប់ពីត្រូវបានបិទសម្រាប់ការជួសជុលឡើងវិញដោយសារតែភ្លើងឆេះនៅឆ្នាំ 2019 ។
នៅលើបណ្តាញសង្គម Truth Social លោក Trump បានសរសើរប្រធានាធិបតី Macron ដែលបានសម្រេចនូវអព្ភូតហេតុមួយ ដោយមិនត្រឹមតែបានស្ដារឡើងវិញនូវភាពអស្ចារ្យនៃវិហារ Notre Dame ក្នុងទីក្រុងប៉ារីសប៉ុណ្ណោះទេ ប៉ុន្តែក៏មានច្រើនទៀតផងដែរ។
លោក Trump បាននិយាយថា “ខ្ញុំមានកិត្តិយសក្នុងការប្រកាសថា ខ្ញុំនឹងធ្វើដំណើរទៅកាន់ទីក្រុងប៉ារីស (ប្រទេសបារាំង) នៅថ្ងៃសៅរ៍ [ទី 7 ខែធ្នូ] ដើម្បីចូលរួមពិធីសម្ពោធ Notre-Dame de Paris ដ៏អស្ចារ្យ និងជាប្រវត្តិសាស្ត្រ ដែលត្រូវបានជួសជុលឡើងវិញទាំងស្រុង បន្ទាប់ពីភ្លើងឆេះដ៏សន្ធោសន្ធៅ ៕

រូបថត​: AP