ភ្នំពេញៈនារីវ័យម្នាក់បានបេីករថយន្តម៉ាកRANGE ROVER គេចពីមធ្យោបាយផ្សេងទៀតក៏ជ្រុលទៅកៀរនិងក្បាលនាគថ្មពុះចែកទ្រូងផ្លូវបណ្ដាលឲ្យរងការខូចខាតកង់ទៅមុខលែងរួច ។
ហេតុការណ៍នេះបានកេីតឡេីងនៅវេលាម៉ោង៧និង៣០នាទីយប់ ថ្ងៃទី៥ខែធ្នូឆ្នាំ២០២៤ ជិតស្តុបចេនឡាផ្លូវមុនីរ៉េត សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ ។
តាមប្រភពព័ត៌មាន ពីកន្លែងកើតហេតុ បានឲ្យដឹងថា មុនពេលកេីតហេតុ គេបានឃើញនារីម្នាក់បានបេីករថយន្តម៉ាក RANGE ROVER ពណ៌ស ពាក់ស្លាកលេខ ភ្នំពេញ 2BL 6616 បេីកធ្វើដំណើរតាមបណ្ដោយផ្លូវមុនីរ៉េត ទិសដៅពី លិចទៅកេីត លុះមកដល់ចំនុចកេីតហេតុ បានងៀកចង្កូតគេចពីមធ្យោបាយផ្សេងក៏ស្រាប់តែធ្វើឲ្យរថយន្តជ្រុលទៅកៀរនិងក្បាលនាគថ្មពុះចែកទ្រូងផ្លូវ បណ្ដាលឲ្យរងការខូចខាតកង់មុខចំហៀងខាងឆ្វេងទៅមុខលែងរួចតែម្តងទៅ ។
ដោយឡែកក្បាលថ្មពុះចែកទ្រូងផ្លូវ ខូចខាតតិចតួចតែប៉ុណ្ណោះ ។
ក្រោយកេីតហេតុសមត្ថកិច្ចមូលដ្ឋានបានចុះទៅកន្លែងកេីតហេតុពិនិត្យឃើញថា មិនផលប៉ះពាល់អ្វីធ្ងន់ធ្ងរ ក៍សម្រេចអោយម្ចាស់ស្ទូចយករថយន្តទៅជួសជុលដោយខ្លួនឯង ៕ដោយ៖សុខាសែនជ័យ
