ក្រុមជម្រើសជាតិនារីកម្ពុជា បានធ្វើដំណើរចេញពីប្រទេសឡាវត្រឡប់មកព្រះរាជាណាចក្រកម្ពុជាវិញហើយនៅព្រឹកនេះ ក្រោយចប់ភារកិច្ចក្នុងការប្រកួតពានរង្វាន់ AFF Women’s Cup 2024 ដោយទទួលបានចំណាត់ថ្នាក់លេខ២ និងនាំយកមេដាយប្រាក់ជូនកម្ពុជា ហើយក្រុមជម្រើសជាតិនារីកម្ពុជា នឹងមកដល់ព្រលានយន្តហោះអន្តរជាតិភ្នំពេញនៅម៉ោង ១:០០នាទីរសៀលថ្ងៃនេះ។ “ទាំងអស់គ្នាដើម្បីកម្ពុជា”។

មោទនភាពជាតិខ្មែរ ។ ពិតជាពិសេសណាស់ក្រុមកីឡាការិនីបាល់ទាត់ជម្រេីសជាតិកម្ពុជា និងគ្រូបង្វឹក ព្រមទាំងក្រុមការ ងារទាំងអស់ ដែលបានខិតខំប្រឹងប្រែងរហូតឈានដល់វគ្គផ្តាច់ព្រ័ត្រ ដែលជាប្រវត្តិសាស្ត្រដំបូងរបស់ជាតិយេីង នៃពានរង្វាន់ AFF Women’s Cup 2024។

ជនរួមជាតិ សូមគោរពជូនពរកីឡាការិនី គ្រូបង្វឹក និងក្រុមការងារទាំងអស់ ទទួលបានសេចក្តីសុខ សុវត្ថិភាពក្នុងការធ្វេីដំណេីរ និងទទួលបានជោគជ័យ ៕

ដោយ ៖ សិលា