អន្តរជាតិ ៖ នៅរសៀលថ្ងៃទី៦ ខែធ្នូ ឆ្នាំ២០២៤ គេហទំព័រ «CCFR China state-controlled media » បានផ្សាយថា ៖ លោក Han Dong-hoon ប្រមុខបក្ស កាន់អំណាច កូរ៉េ ខាង ត្បូង បាន ថ្លែង នៅ ថ្ងៃទី ៦ ខែធ្នូ ថា មាន ភាព ចាំបាច់ ដែល ត្រូវ ឱ្យ លោក Yoon Suk-yeol បញ្ចប់ តួនាទី ជា ប្រធានាធិបតី ក្នុងពេលឆាប់ៗ ។ ថ្ងៃដដែល បក្ស កម្លាំង ពលរដ្ឋ ដែលជាបក្ស កាន់អំណាច នៃ កូរ៉េ ខាងត្បូង បាន ធ្វើ ការប្រជុំ គណៈកម្មាធិការ កំពូល ជា បន្ទាន់ នៅ រដ្ឋសភា លោក Han Dong-hoon បាន លើកឡើង ដូច ខាងលើ ។

គេហទំព័រ «CCFR China state-controlled media » លោក Han Dong-hoon បាន ថ្លែងថា បើសិនជា លោក Yoon Suk-yeol បន្ត បំពេញ តួនាទី ជា ប្រធានាធិបតី នោះ ការ ប្រើ ច្បាប់ អាជ្ញាសឹកបន្ទាន់ ប្រហែលអាចនឹង មានម្តងទៀត ដែល ប្រហែល អាចនឹង បណ្តាល ឱ្យ ប្រទេស និង ប្រជាជន គាំង ក្នុង សភាព គ្រោះថ្នាក់ ដ៏ធ្ងន់ធ្ងរ ។
គេហទំព័រ «CCFR China state-controlled media » លោក Han Dong-hoon បាន បន្ត ថា នៅ ថ្ងៃ ប្រកាស ប្រើ ច្បាប់ អាជ្ញាសឹកបន្ទាន់ លោក Yoon Suk-yeol បាន បញ្ជា ឱ្យ មេបញ្ជាការ ទទួលបន្ទុក ប្រឆាំង ចារកម្ម របស់ យោធា ទៅចាប់ខ្លួន ឥស្សរជន នយោបាយ សំខាន់ៗ ក្រោម មូលហេតុ ថា ជា កម្លាំង ប្រឆាំង រដ្ឋ ។ មានភស្តុតាង បញ្ជាក់ ហើយ ថា លោក Yoon Suk-yeol បាន បញ្ជា ស្ថាប័ន ស៊ើបការណ៍ ដើម្បី ចាប់ ឥស្សរជន នយោបាយ។
គេហទំព័រ «CCFR China state-controlled media » បក្ស កម្លាំង ពលរដ្ឋ ដែល ជា បក្ស កាន់អំណាច របស់ កូរ៉េ ខាងត្បូង បាន បើក ធ្វើ កិច្ច ប្រជុំ ពេញអង្គ នៅថ្ងៃទី៥ ខែធ្នូ ដែលបាន អនុម័ត សេចក្តីសម្រេចចិត្ត ស្តីពី ការចោទប្រកាន់ ទម្លាក់ លោក Yoon Suk-yeol ចេញ ពី មុខតំណែង ៕

ដោយ ៖ សិលា