ខេត្តកំពង់ស្ពឺ៖ កម្លាំងស្នាក់ការសន្តិសុខ៥៥១ ចំនួន៤នាក់បានចេញល្បាតតាមភូមិសាស្ត្រឃាត់ជនសង្ស័យជាបន្តបន្ទាប់បាន៦នាក់។ ជាក់ស្តែងនៅវេលាម៉ោង៣ និង៣០នាទីទាបភ្លឺថ្ងៃទី១៣ ខែសីហា ឆ្នាំ២០១៦ ត្រង់ចំណុចភូមិក្រាំពន្លៃ ឃុំវាំចាស់ ស្រុកឧដុង្គ ស្រាប់តែប្រទះឃើញក្មេងស្ទាវចំនួន២នាក់ក៏បានឃាត់សួរនាំឆែកឆេររកឃើញគ្រឿងញៀននៅជាប់ខ្លួនជនសង្ស័យតែម្តង ។ ជនសង្ស័យបានសារភាពថា ពួកគេចាំគ្នាមកយកគ្រឿងញឿនមកជួបនៅទីនេះ ។
លុះបានមួយសន្ទុះក៏ឃើញក្រុមនេះមកជួបពេលនោះកម្លាំងក៏ចាប់យកបក្ខពួកប្រើប្រាស់ និងជួញដូរគ្រឿងញៀនទាំងអស់សរុបចំនួន៧នាក់ រួមមានទី១.ឈ្មោះ យ៉ឺ សុខថន ភេទប្រុស អាយុ១៨ឆ្នាំ នៅភូមិក្រាំងពន្លៃ ឃុំវាំងឧដុង្គកំពង់ស្ពឺ ទី២.ឈ្មោះ ងៀង ប៊ុនហេង ប្រុស អាយុ១៦ឆ្នាំភូមិក្រាំពន្លៃ ទី៣.ឈ្មោះពេញ ភេទប្រុស អាយុ ១៨ឆ្នាំ នៅភូមិម្លូរម៉ឺុន ឃុំម្លូររមុុឺនស្រុកពញាឮ ខេត្តកណ្តាល ទី៤ .ឈ្មោះ សូរ ឧត្តម ភេទប្រុស អាយុ១៩ឆ្នាំ នៅភូមិក្រាំងពន្លៃ ទី៥.ឈ្មោះចក់ វី ភេទប្រុស អាយុ១៦ឆ្នាំ ភូមិផ្សារឧដុង្គ ឃុំវាំចាស់ ស្រុកឧដុង្គ ខេត្តកំពង់ស្ពឺ ទី៦.ឈ្មោះ គង់ វាសនា ភេទប្រុស អាយុ១៧ឆ្នាំ នៅភូមិកំពុងលួង ឃុំកំពុងលួង ស្រុកពញាឮ ខេត្តកណ្តាល និង៧.ឈ្មោះពៅ ប្រុស ភេទប្រុស អាយុ១៦ឆ្នាំ នៅភូមិប្រក់ក្តា ឃុំវិហារលួង ស្រុកពញាឮ ខេត្តកណ្តាល ឆែករកឃើញវត្ថុតាងមាន៖ ម៉ូតូ៣គ្រឿង, ថ្នំញៀន១កញ្ចប់, ទូរស័ព្ទដៃ៤គ្រឿង, ប្រាក់រៀល ១០៦០០រៀល, ដែកកេះ៥ កន្តៃ្រកាត់១ និងឧបករណ៍សម្រាប់ជក់គ្រឿងញៀនមួយចំនួន ។
បច្ចុប្បន្នជនសង្ស័យរួមទាំងវត្ថុតាងកំពុងកសាងសំណុំរឿងបញ្ជូនមកបញ្ជាការដ្ឋានកងរាជអាវុធហត្ថខេត្តចាត់ការតាមច្បាប់ ៕
ដោយ៖ សហាការី
...
