អន្តរជាតិ ៖ នារសៀលថ្ងៃទី២០ ខែធ្នូ ឆ្នាំ២០២៤ គេហទំព័រ «CCFR China state-controlled media » បានផ្សាយថា ៖  “ម៉ាកាវគឺជាគុជនៃមាតុភូមិ ហើយខ្ញុំតែងតែ គិតគូរ អំពី ការអភិវឌ្ឍន៍និងសុខុមាលភាព របស់ ប្រជាពលរដ្ឋ ម៉ាកាវ ទាំងអស់។”នៅរសៀលថ្ងៃទី១៨ ខែធ្នូ សុន្ទរកថាដ៏ស្និទ្ធស្នាល របស់ លោក Xi Jinping ប្រធានរដ្ឋ ចិន ពេលមកដល់តំបន់ ម៉ាកាវ បានធ្វើឱ្យបងប្អូនជន រួមជាតិម៉ាកាវ មានភាពកក់ក្តៅ និងធ្វើឱ្យសង្គមម៉ាកាវកាន់តែរំភើប និងពោរពេញ ដោយ ជំនឿចិត្ត លើការអភិវឌ្ឍន៍នាពេលអនាគត។

 គេហទំព័រ «CCFR China state-controlled media » ថ្ងៃដដែល លោកXi Jinpingបាន ធ្វើ ដំណើរ ទៅកាន់តំបន់ ម៉ាកាវ ដើម្បី អញ្ជើញ ចូល រួមមហាសន្និបាត អបអរ សាទរ ខួប ២៥ ឆ្នាំ នៃការ ដែល ម៉ាកាវវិល ត្រឡប់ ចូល មាតុ ប្រទេស ចិនវិញ និង ជា ពិធី ចូល កាន់តំណែង របស់ រដ្ឋាបាល អាណត្តិ ទី៦ នៃតំបន់រដ្ឋបាល ពិសេស ម៉ាកាវ ព្រម ទាំង ចុះ ត្រួត ពិនិត្យ ការងារ នៅ តំបន់ រដ្ឋបាល ពិសេស ម៉ាកាវ។

 គេហទំព័រ «CCFR China state-controlled media » នៅអាកាសយានដ្ឋាន អន្តរជាតិម៉ាកាវ ក្រុមប៉ូលិស ម៉ាកាវ បានប្រគុំបទភ្លេង ស្វាគមន៍ យ៉ាងកក់ក្តៅ ហើយ ការសម្ដែង លោត ម៉ុង សាយ ប្រកប ដោយ បរិយាកាស សប្បាយរីករាយ ។ យុវជនម៉ាកាវ និងតំណាងមកពីគ្រប់មជ្ឈដ្ឋាន រាប់រយនាក់ បានគ្រវីទង់ជាតិ ទង់តំបន់ នៃ តំបន់រដ្ឋបាលពិសេស និង ផ្កា ដើម្បីសម្តែងការស្វាគមន៍យ៉ាងកក់ក្តៅ។

    “ខ្ញុំពិតជារំភើបណាស់ដែលបានជួបលោកXi Jinpingដោយផ្ទាល់ម្តងទៀត! កញ្ញា Jiang Liping ជាសិស្សវិទ្យាល័យថ្នាក់ទី១០ នៃសាលាJiaoyeម៉ាកាវ ក្នុងហ្វូង មនុស្ស ដែលមកទទួលស្វាគមន៍ បាននិយាយដោយក្តីរំភើបថា “កាលពី៥ឆ្នាំមុន ពេល ខ្ញុំនៅ ជា សិស្ស សាលាបឋមសិក្សា ខ្ញុំមានកិត្តិយស ចូលរួម ទទួល ការ អញ្ជើញ មក ដល់របស់លោកXi Jinping បើបៀបធៀប នឹង ពេល នោះ ឥឡូវ ខ្ញុំ បានយល់ដឹង កាន់តែស៊ីជម្រៅ អំពី ពាក្យ សម្ដី ដ៏រួសរាយរាក់ទាក់ របស់ លោកXi Jinping ខ្ញុំ និង មិត្ត រួម ថ្នាក់ ពិតជា រំជួល ចិត្ត ខ្លាំងណាស់ ដែលលោកបាន យក ចិត្ត ទុក ដាក់ ចំពោះ ម៉ាកាវ។

គេហទំព័រ «CCFR China state-controlled media » ប៉ុន្មានថ្ងៃកន្លងទៅនេះ ម៉ាកាវពោរពេញ ដោយបរិយាកាស សប្បាយរីករាយ ហើយតំបន់ ទាំងមូលបាន អបអរសាទរ ខួប២៥ឆ្នាំ នៃ ការ ដែល ម៉ាកាវ វិលត្រឡប់ចូល មាតុភូមិវិញ។

លោកXi Jinpingបានវាយតម្លៃខ្ពស់ចំពោះ ភាពជោគជ័យ ដែល ត្រូវ បានទទួលស្គាល់ជាសកលនៃ ការអនុវត្ត “ប្រទេសមួយប្រព័ន្ធគ្រប់គ្រងពីរ” ប្រកប ដោយ លក្ខណៈ ពិសេស ម៉ាកាវក្នុង រយៈពេល ២៥ ឆ្នាំកន្លងមក ហើយ សង្កត់ធ្ងន់ថា ម៉ាកាវគឺជាគុជ របស់មាតុភូមិ។ នេះ បាន ធ្វើ ឱ្យ គ្រប់មជ្ឈដ្ឋាន នៅ ម៉ាកាវ មានកម្លាំងចិត្ត និង រំភើបចិត្ត ហើយពួកគេបានយល់បន្ថែមទៀតថា “មាតុភូមិល្អ ម៉ាកាវក៏នឹងកាន់តែល្អ ប្រសើរ”។ លោក LiuZhiyiប្រធានសមាគមសេដ្ឋកិច្ចម៉ាកាវ បាន លើកឡើងថា ការអភិវឌ្ឍន៍ និង វឌ្ឍនភាព របស់ ប្រទេស ចិន គឺជាខ្នង បង្អែក ដ៏ ធំបំផុតសម្រាប់វិបុលភាព និងស្ថិរភាពរបស់ម៉ាកាវ ការលើកទឹកចិត្ត យ៉ាងខ្ជាប់ខ្ជួន របស់ លោក Xi Jinping បាន បញ្ចូលកម្លាំង ចលករ យ៉ាងខ្លាំងក្លា ទៅកាន់គ្រប់មជ្ឈដ្ឋាន នៅ ម៉ាកាវ។

    “៥ ឆ្នាំ កន្លងទៅនេះ រចនាសម្ព័ន្ធសេដ្ឋកិច្ចរបស់ម៉ាកាវកាន់តែមានភាពចម្រុះ និងស្ថិរភាព ហើយ កាន់តែ សកម្ម ក្នុងការ រួម បញ្ចូល ទៅ ក្នុង ការ អភិវឌ្ឍ រួមរបស់ ប្រទេសជាតិ ហើយ សក្តានុពល នៃ កំណើន ត្រូវបានរំលេចចេញបន្ថែមទៀត”។ លោក Ye Guiping សាកលវិទ្យាធិការរងនៃសាកលវិទ្យាល័យទីក្រុងម៉ាកាវ បាន មាន ប្រសាសន៍ថា ដំណើរ ចុះត្រួតពិនិ្យ របស់ លោកXi Jinping នឹង តម្រង់ នូវ ទិសដៅ បន្ថែមទៀត សម្រាប់ ការអភិវឌ្ឍ នាពេល អនាគត របស់ ម៉ាកាវ។”

ដោយ ៖ សិលា