ភ្នំពេញ៖ បុរសម្នាក់បានលោតទឹកសម្លាប់ខ្លួនពីលើស្ពានជ្រោយចង្វារ​ គឺជាឃាតករដែលវាយសម្លាប់ស្ត្រីលក់ភេសជ្ជៈនៅនៅចំណុចស្តុប ២០០៤កាលពីព្រឹកថ្ងៃទី២៤ខែធ្នូឆ្នាំ២០៤។នេះបើតាមការអះអាងរបស់នគរបាលខណ្ឌសែនសុខបន្ទាប់ពីមានការស្រាវជ្រាវនឹងមើលតាមកាមេរ៉ាសុវត្ថិភាព។

នគបាលខណ្ឌសែនសុខ​ បានឲ្យដឹងថា បុរសដែលធ្វើអត្តឃាតសម្លាប់ខ្លួននៅលើស្ពានជ្រោយចង្វារនៅពេលដំណើរគ្នានោះគឺជាឃាតករដែលវាយសម្លាប់ស្ត្រីជាអ្នកលក់ភេសជ្ជៈនៅចំណុចស្តុប ២០០៤ក្នុងសង្កាត់អូរបែកក្អម ខណ្ឌសែនសុខ រាជធានីភ្នំពេញ។

តាមនគរបាលខណ្ឌសែន​ បានឲ្យដឹងទៀតថា ឃាតករបានជិះម៉ូតូម៉ាកហុងដាសេ១០០ កូរ៉េមួយគ្រឿងបានធ្វើសកម្មភាពវាយទៅលើស្ត្រីរងគ្រោះរួចក៏បានជិះម៉ូតូទៅលោតទឹកសម្លាប់ខ្លួនពីលើស្ពានជ្រោយចង្វារ បន្សល់ទុកម៉ូតូមួយគ្រឿងដែលជិះធ្វើសកម្មភាពវាយទៅលើជនរងគ្រោះនិងរូបថត៣សន្លឹកព្រមទាំងទូរស័ព្ទ១គ្រឿងនិង បណ្ដាំចុងក្រោយមុននិងលោតទឹកសម្លាប់ខ្លួន។

គូបញ្ជាក់ថា ស្ត្រីជាអ្នកលក់ភេសជ្ជៈនិងទឹកសុទ្ធម្នាក់ត្រូវបានឃាតករមិនស្គាល់មុខវាយសម្លាប់នឹងដែកថ្នាំងអំពៅរួចជិះម៉ូតូគេចខ្លួនបាត់ ខណៈពេលដែលនាងជិះម៉ូតូរ៉ឺម៉កមកឈប់រៀបចំលក់ដូរអោយកម្មករនៅមុខការដ្ឋានសំណង ចំណុចABA ។

ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោងប្រមាណ៥និង៥៣នាទីព្រឹកថ្ងៃទី២៤ ខែធ្នូឆ្នាំ២០២៤នៅចំណុចស្តុប២០០៤លើចិញ្ចើមផ្លូវណតប្រ៊ីតកែងផ្លូវ២០០៤មុខការដ្ឋានកំពុងសាងសង់ធនាគារABA ក្នុងភូមិស្លែងរលើង  សង្កាត់អូបែកក្អម  ខណ្ឌសែនសុខរាជធានីភ្នំពេញ។

ស្ត្រីរងគ្រោះត្រូវសមត្ថកិច្ចឲ្យដឹងថា ឈ្មោះ នាង ចិន្តា  អាយុ៣៤ឆ្នាំ មុខរបរលក់ដូរ ស្នាក់នៅផ្ទះជួលភូមិសែនសុខ៣ សង្កាត់ឃ្មួញ ខណ្ឌសែនសុខ រាជធានីភ្នំពេញ។
តាមព័ត៌មានឱ្យដឹងថា  នៅវេលាម៉ោងប្រមាណជាង៥ព្រឹកគេឃើញស្ត្រីរូបនោះបានជិះរ៉ឺម៉កដឹកភេសជ្ជៈរបស់ខ្លួនមកឈប់នៅមុខការដ្ឋានសាងសង់ធនាគារ ABA ខណៈពេលកំពុងតែរៀបចំកន្លែងលក់ដូរស្រាប់តែមានជនសង្ស័យម្នាក់ជិះម៉ូតូមួយគ្រឿងមកឈប់ក្បែរហើយយកដែកចេញពីក្នុងថង់វាយទៅលើស្ត្រីរងគ្រោះពីក្រោយបណ្ដាលឲ្យដួលស្លាប់រួចគេចខ្លួនបាត់។លុះក្រោយមកក៏បង្កឲ្យមានការភ្ញាក់ផ្អើលដល់ដល់ប្រជាពលរដ្ឋធ្វើដំណើរហើយរាយការណ៍ទៅសមត្ថកិច្ចមូលដ្ឋានទាក់ទងនគរបាលជំនាញមន្ត្រីជំនាញចុះទៅត្រួតពិនិត្យ។

តាមកាំមេរ៉ាសុវត្ថិភាព នៅវេលាម៉ោង០៥នឹង៥៣នាទី ថ្ងៃទី២៤ ខែធ្នូ ឆ្នាំ២០២៤ ជនរងគ្រោះកំពុងឈរម្នាក់ឯងនៅជាប់ជាមួយរ៉ឺម៉កលក់ភេសជ្ជៈ ហើយជនសង្ស័យដើរពីក្រោយដោយយួរថង់ពណ៌ទឹកក្រូច ពាក់មួកសុវត្ថិភាពរួចយកដែកថ្នាំងអំពៅចេញពីថង់ ។​ វាយទៅលើនារីរងគ្រោះបណ្ដាលឲ្យដួលរួចគេចខ្លួនទៅលោតទឹកសម្លាប់ខ្លួនពីលើស្ពានជោយចង្វារនៅវេលាម៉ោង៦និង១០នាទីព្រឹកថ្ងៃទី២៤ ខែ ធ្នូ ឆ្នាំ ២០២៤នៅលើស្ពានជ្រោយចង្វារ ស្ថិតនៅសង្កាត់ ស្រះចក ខណ្ឌដូនពេញ រាជធានីភ្នំពេញ បន្សល់ទុកម៉ូតូម៉ាកហុងដាសេ១០០កូរ៉េពណ៌ក្រហមពាក់ស្លាកលេខភ្នំពេញ1BK. 4601រូបថតរៀបអាពាហ៍ពិពាហ៍ ទូរស័ព្ទនិងបណ្ដាំចុងក្រោយ៕ដោយ​ ៖​ ភារ៉ា​ ដង្កោ