ភ្នំពេញ ៖ បុរសជាអ្នកដឹកជញ្ជូនម្ហូបអាហារម្នាក់ជិះម៉ូតូឆ្លងផ្លូវ ត្រូវរថយន្តព្រុសមួយគ្រឿងបើកក្នុងល្បឿនលឿនបុកពេញទំហឹងបណ្ដាលឲ្យស្លាប់យ៉ាងអាណោចអាធ័ម។
ហេតុការណ៍នេះបានកេីតឡេីងកាលពីវេលាម៉ោង៩:៥០នាទីយប់ ថ្ងៃទី២៤ ខែធ្នូ ឆ្នាំ២០២៤ ស្ថិតតាមបណ្ដោយផ្លូវវេងស្រេង ត្រង់ចំណុចស្តុបទួលព្រ ក្នុងសង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។
ជនរងគ្រោះមានឈ្មោះ ស សំណាង អាយុ៣០ឆ្នាំជាង មុខរបរ អ្នកដឹកជញ្ជូនម្ហូបអាហារ មានស្រុកកំណើតនៅខេត្តស្វាយរៀង ។
បើតាមប្រភពពីកន្លែងកើតហេតុបានឲ្យដឹងថាមុន ពេលកើតហេតុគេបានឃើញរថយន្តមួយគ្រឿងម៉ាក តូយូតា ព្រុស ពណ៌ផ្ទៃមេឃ ពាក់ស្លាកលេខ ភ្នំពេញ 2BK-0854 ធើ្វដំណើរក្នុងទិសដៅពីកើតទៅលិច ក្នុងល្បឿនលឿន ខណៈមកដល់ចំណុចកើតហេតុស្តុបទួលពង្ររថយន្តមិនបាន បន្ថយល្បឿន បានជ្រុលទៅម៉ូតូអគ្គីសនីមួយគ្រឿងពណ៌ខ្មៅជិះដោយបុរសម្នាក់ជាអ្នកដឹកម្ហូបអាហារពេញទំហឹង ពេលកំពុងជិះឆ្លងផ្លូវបណ្ដាលឲ្យជនរងគ្រោះដួលបោកក្បាលនឹងផ្លូវស្លាប់យ៉ាងអាណោចអាធ័ម។ ចំណែកអ្នកបើកបររថយន្តបានបើកចេញពីកន្លែងកើតហេតុបាន ប្រមាណជាង៥០ម៉ែត្របានចុះពីឡើងរថយន្តរួចគេចខ្លួនបាត់ស្រមោល បន្សល់ទុកចោលជិះកន្លែងកើតហេតុ ។
បើតាមការបញ្ចាក់ពីក្រុមការងារជាអ្នកដឹកម្ហូបអាហារជាមួយគ្នាបានឲ្យដឹងថា មុនពេលកើតហេតុជនរងគ្រោះទើបតែដឹកម្ហូបឲ្យភ្ញៀវនៅម្ដុំចំការដូងរួចក៏ចប់ម៉ោងបានជិះត្រលប់ទៅផ្ទះវិញ ពេលមកដល់ពាក់កណ្ដាលផ្លូវត្រូវរថយន្តបុកបណ្ដាលឲ្យស្លាប់តែម្តង ។
ក្រោយពេលកេីតហេតុសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញចុះមកធ្វើការវាស់វែងយករថយន្ត និងម៉ូតូអគ្គិសនី ទៅរក្សាទុករង់ចាំការដោះស្រាយនៅពេលក្រោយ។ សពជនរងគ្រោះសមត្ថកិច្ចធើ្វកំណត់ហេតុប្រគល់ជូនក្រុមគ្រួសារយកទៅធើ្វបុណ្យតាមប្រពៃណី ៕
ដោយ៖សុខាសែនជ័យ
