ខេត្តកំពត៖ លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការដ្ឋាននគរបាលខេត្តកំពត បានចាត់ឱ្យកម្លាំងជំនាញផ្នែកយុត្តិធម៍ ចុះស្រាវជ្រាវបង្ក្រាប និងឃាត់ខ្លួនក្រុមក្មេងទំនើង៣នាក់ នៅស្រុកជុំគិរី ក្រោយបង្ហោះវីដេអូតាមបណ្ដាញសង្គមបង្អួតកាំបិតដាក់គ្នា។
លោកឧត្តមសេនីយ៍ទោ ម៉ៅ ច័ន្ទមធុរិទ្ធ បានបញ្ជាក់ថា ដោយអនុវត្តនូវបទបញ្ជាម៉ឺងម៉ាត់របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា ក្រោយឃើញវីដេអូចែកចាយតាមបណ្ដាញសង្គម ដែលក្មេងទំនើងកាន់កាំបិតបង្អួតគ្នា លោកបានបញ្ជាកម្លាំងស្រាវជ្រាវបន្ទាន់ ជាលទ្ធផល ក្មេងទំនើងទាំង៣នាក់នោះ ត្រូវបានកម្លាំងអធិការដ្ឋាននគរបាលស្រុកជុំគិរី ចាប់ខ្លួនបញ្ជូនមកធ្វើការសួរនាំ ដើម្បីចាត់ការបន្ដតាមផ្លូវច្បាប់។
សមត្ថកិច្ចបញ្ជាក់ថា ជនសង្ស័យទី១៖ឈ្មោះ ញ៉ង់ វិរ៉ាត់, ទី២៖ឈ្មោះ អែម កា, ទី៣៖ឈ្មោះ ម៉ៅ ពុទ្រា ភេទស្រី និងទី៤៖ឈ្មោះឈ្មោះ ឈន ចាន់វ៉ាន្តារ៉ា ពាក់ពន្ធ័ករណី កាន់កាប់អាវុធដោយគ្មានការអនុញ្ញតិ (កាន់កាំបិតបុ័ងតោ និងកាំបិតចិតបន្លែ ថតវីដេអូបង្ហោះងោះលើសង្គមហ្វេសប៊ុក) កាលពីថ្ងៃទី២៧ ខែធ្នូ ឆ្នាំ២០២៤ នៅរោងលក់ម្ជូរខាងមុខសាលាអនុវិទ្យាល័យច្រេស។
បច្ចុប្បន្នយុវជនខាងលេីនេះ កំពុងឃាត់ខ្លួនបណ្ដោះនៅអធិការដ្ឋាននគរបាលស្រុក ដេីម្បីបន្តនីតិវិធីច្បាប់៕
ដោយ៖តារា
