ភ្ភ្នំពេញ៖ បុរសម្នាក់សង្សឋ័យស្រវឹងស្រាបេីកបររថយន្តលឿនផ្លូវកោងបួងចង្កូតមិនទាន់ជ្រុលទៅបុករថយន្តចតឈប់នៅលើចញ្ចេីមផ្លូវនិងសម្ភារៈមួយចំនួនទៀតខូចខាតអស់ជាច្រើន។
ហេតុការណ៍នេះបានកើតឡើងនៅវេលាម៉ោង ១១និង៣០នាទី យប់ថ្ងៃទី ០២ ខែមករា ឆ្នាំ២០២៥ ស្ថិតនៅតាមបណ្ដោយផ្លូវបេតុង វត្តភ្នៀតសិម្ពលី ភូមិស្វាយសង្កាត់ស្នោរ ខណ្ឌកំបូល រាជធានីភ្នំពេញ។
បេីតាមប្រភពពីប្រជាពលរដ្ឋខាងលើបានអោយដឹងថា នៅមុនពេលកេីតហេតុដោយគេឃើញរថយន្តបង្ក ពណ៌ខ្មៅពាក់ស្លាកលេខ កម្ពុជា.H. CHEA.9 បេីកបរធ្វេីដំណើរតាមបណ្ដោយផ្លូវបេតុងក្នុងទិសដៅពីកេីកមកក្នុងល្បឿនលឿនលុះមកដល់ចំណុចកេីតហេតុដោយសារផ្លូវកោងបួងចង្កូតមិនទាន់ក៏ជ្រុលទៅបុករថយន្តមួយគ្រឿងម៉ាកតូយ៉ូតា តាកូម៉ាពណ៌ទឹកប្រាក់ពាក់ស្លាកលេខភ្នំពេញ2AM-2904 ដែលកំពុងតែចតឈប់នៅលេីជញ្ចេីមផ្លូវពេញទំហឹងបណ្ដាលឲ្យខ្ទៀតទៅមុខជាច្រើនម៉ែត្ររងការខូចខាតយ៉ាងដំណំបន្ទាប់មករថយន្តបង្កបានរេចង្កូតទៅឡេីងលើឃឿនបុករះចូលផ្ទះពលរដ្ឋបន្តបណ្ដាលឲ្យរងការខូចខាតសម្ភារៈអស់ចំនួនក្រោយមកតៃកុងបានរយ៉ែរថយន្តបំរុងបេីករត់គេចតែត្រូវបានពលរដ្ឋនាំគ្នាឃាត់ជាប់រួចហើយរាយការណ៍ទៅសមត្ថកិច្ចមូលដ្ឋានចុះមកអន្តរាគមន៍ភ្លាមៗឃាត់ខ្លួនតៃកុងទុករងចាំប្រគល់ឲ្យផ្នែកជំនាញចរាចរណ៍បន្ត។
ក្រោយពេលកេីតហេតុគ្រោះថ្នាក់ចរាចរណ៍ខាងលើគេឃើញសមត្ថកិច្ចមូលដ្ឋានសហការជាមួយនឹងផ្នែកជំនាញចរាចរណ៍ធ្វើការវាស់វែងយករថយន្តបង្កនិងរថយន្តរងគ្រោះទៅរក្សាទុកនៅអធិការដ្ឋានខណ្ឌកំបូលរងចាំដោះស្រាយថ្លៃខូចខាត នៅពេលក្រោយ៕
ដោយ៖ សុខាសែនជ័យ
