ខេត្តព្រៃវែង ៖ នៅថ្ងៃទី៤ ខែមករា ឆ្នាំ២០២៥ លោក សួន សុម៉ាលីន អភិបាល នៃគណៈអភិបាលខេត្តព្រៃវែង និងលោកស្រី ជុន បូរ៉ានី បានអញ្ជើញចូលរួមក្នុងពិធីបុណ្យផ្កាសាមគ្គី និងវេរប្រគេនដីទំហំ ២៦.០៧០ម៉ែត្រការ៉េ ចំពោះព្រះសង្ឃ នៅវត្តពោធិសាលា (ហៅវត្តយាង) ស្ថិតនៅភូមិយាងតូច ឃុំជីផុច ស្រុកមេសាង ខេត្តព្រៃវែង ក្រោមព្រះធិបតីភាពដ៏ខ្ពង់ខ្ពស់ សម្ដេចព្រះមហាសុមេធាធិបតី កិត្តិបណ្ឌិត អំ លីមហេង សម្ដេចព្រះសង្ឃនាយក នៃព្រះរាជាណាចក្រកម្ពុជា និងលោក មែ ស៊ីថន តំណាងដ៏ខ្ពង់ខ្ពស់ សម្ដេចមហាបវរអធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។
ពិធីនេះក៏មានការនិមន្ត និងអញ្ជើញចូលរួមពី សម្ដេចព្រះសង្ឃនាយករងទី៣ ព្រះមន្ត្រីសង្ឃ ព្រះសង្ឃ លោក លោកស្រី ប្រតិភូអមដំណើរ លោក សមាជិកក្រុមប្រឹក្សាខេត្ត លោក លោកស្រី អភិបាលរងខេត្ត នាយក នាយករងរដ្ឋបាល នាយកទីចាត់ការ ប្រធានអង្គភាព ប្រធានផ្នែកចំណុះសាលាខេត្ត មេបញ្ជាការកងកម្លាំងទាំងបី ប្រធានអង្គភាពពន្ធនាគារខេត្ត ប្រធានមន្ទីរ អង្គភាពជុំវិញខេត្ត ក្រុមប្រឹក្សាស្រុក អភិបាលក្រុង ស្រុក មន្ត្រីរាជការសាលាស្រុក ក្រុមគ្រូពេទ្យស្រុក កងកម្លាំងទាំងបីថ្នាក់ស្រុក មេឃុំ មេភូមិ តំណាងសមាគមន៍ អង្គការក្រៅរដ្ឋាភិបាល នាយកសាលា លោកគ្រូ អ្នកគ្រូ យុវជនកាកបាទក្រហម យុវជន ស.ស.យ.ក យុវជនកាយប្ញទ្ធិ សិស្សានុសិស្ស គណៈកម្មការអាចារ្យវត្ត តាជី យាយជី ពុទ្ធបរិស័ទដែលអញ្ជើញមកពីទីជិត ទីឆ្ងាយ និងសប្បុរសជន សរុបប្រមាណ ២.២៧២អង្គ/រូប៕
ដោយ ៖ សិលា
